الثلاثاء، 4 مايو، 2010

فلسفــــة اختـــراع الوحــــدة

click to zoom

فلسفة اختراع الوحدة


دوما ما تختار الوحدة بارادتها ولكن دون ان تلحظ ذلك

حينما تذهب لعملها 
يسالها زملائها عن ما كانت تريد تناول الفطور معهم فتجيب انها اتت بفطورها وتجلس تأكل وحيدة على الرغم من تجمع باقى الزملاء للفطور فتشاهدهم وتفضل الصمت الذى بدوره يشعرها بالوحدة


تخرج مع صديقاتها المقربات
ويجلسن فى مكانهم المفضل على طاولتهم الجانبية
فيطلبن جميعا العصائر الطازجة بينما تطلب هى قهوتها المرة ويتحدثن كل منهن عن فائدة عصيرها التى طلبته على صحتها وبشرتها و.... و.....
بينما تصمت هى لانها تعرف ان قهوتها ليست مفيدة لها مقارنة بصديقاتها فتفضل الصمت الذى بدوره يشعرها بالوحدة

تقف فى المحطة لانتظار المترو
ارادت الوقوف فى الاخر لتكون مباشرة امام المدخل الاخير
فياتى المترو فى معاده وتدخل على الرغم من الازدحام لكنها نجحت فى اختيار مكان بعيد عن تجمعات البنات لانها تتلاشى الاختلاط او حتى مجرد الاحاديث العابرة فتقف لمشاهدة الحوارات الجماعية بينما تقف هى فى صمتها الذى بدوره يشعرها بالوحدة


تجلس مع والديها للتسلية و مشاهدة البرامج
بينما تفضل هى النظر للسقف وبعد ملاحظت والديها لذلك فيتجنبون الحديث اليها لعدم قطع افكارها وتركها تفعل ماتشاء
وتنظر وتنظر اكثر للسقف بدون اى افكار ولا احاديث داخلية فترى الاخرين يتجنبونها 
فتستمر فى الصمت الذى بدوره يشعرها بالوحدة

وتدور باقى احداث حياتها كذلك حتى انها لم تلحظ انها من تتعمد اقحام نفسها فى الوحدة
وترى ان ذلك بفعل الاخرين يريدونها وحيدة

ولكن لا احد يريد الاخر وحيد بينما نختار نحن ذلك بأنفسنا


44 اللى صبحو ومسو:

سمع هوص (Abo 3li) يقول...

عندك حق جدا.... احنا البنظلم روحنا وبنحكم عليها بالوحدة...

اوعي تكوني انتي البطلة دي...؟؟؟
ربنا ميجعلك وحيدة ابدا...


تحياتي

طالبة مقهورة ..درجة أولى يقول...

مش عارفة يا نيفا

اصل الانسان سعات بتكون هيا ديه شخصيته..مهما يكون بيضحك ويهزر بس جواه علبة وحاجز بيمنعه من الاختلاط بحرية مع الناس...الناس دول بيحتاجوا حد يقربلهم ويقراهم صح مش اكتر

هما كده طبعهم كده

حلو البوست بس مش عاجبني اخر سطر لأنه حاساه اتهام للشخصيات اللي بتحس بالوحدة..هما يمكن مش قادرين بس يبقوا عادي

:)

تسلم ايدك

NeVeN يقول...

ابو على
ازييك
بص بقا ساعات بجد بيحصل دة غصب عننا انا ساعات بحس انى محتاجة ابقا وحدى ومنعزلة كمان
بس مش انا الشخصية دى


مساءك قهوة

NeVeN يقول...

طالبة

ازييك ؟

انا معاكى ان فى شخصيات دة طبعها بس فى شخصيات تانية بتكون متعمدة انها تدخل نفسها جوة دايرة الوحدة وفى الاخر تتهم الاخرين بكدة
بس
انا مقصدش انى اتهم الشخصيات دى بالوحدة
كل الل عاوزة اوصله ان محدش هيكون قاصد يخلى اللى معاه وحيد او يديله احساس الوحدة من فراغ حتى لو حد ادي حد احساس انه موجود معاه فى مكان بس لوحده مش الاول هو اللى غلط لوحده لا الغلط هيكون على الاتنين الاول انه تعمد كدة والتانى انه بكل بساطة استجاب لكدة
ممكن اكون غلطان بس انا حاسة ان الشخص هو اللى بيقدر يبعد نفسه عن الناس او ممكن يقربلها حسب ميوله او شخصيته او تفكيره

مبسوطة بالمناقشة الصغنونة دى

مساءك فل

MONTY يقول...

تصدقى ان كل الحجات دى تقريبا بتتطابق عليه ف بعض الحيان
والغريب انى بكون مبسوطه وانا كده
كتير بنحب نكون لوحدنا
تسلمى يا نوفا
ويارب ما يحكم عليكى بالوحده

ليله شتاء يقول...

السلام عليكم
أزيك ياقمرية وأزى البنوتة الصغنونة
أنا لما بجى هنا بفرح أوى بفيروز اللى موجوة فى كل مكان دى

نحن من نصنع لأنفسنا الوحدة والعزلة عن العالم الأخر ونعيش بالذكريات والأحزان واهمين ان كل الدنيا ترفض وجودنا

بس فعلا فى كتيييييييييير ناس كده

وممكن يكون الميل للوحدة ناتج عن النشأة اللى أكيد هيكون فيها حاجة غلط

ربنا يديم سعادتك فى صباحك ومساكي

Ms Venus يقول...

نيفين

اقولك بصراحة

انا بحب اكون البطلة دى

بحب الصمت والسكووت

بحب الوحدة تخيلى ده ؟

جميل اوى البوست واسلوب الكتابة ووصف البطلة رائع

وردة لعيونك يا قمراية

لاسع افندى يقول...

كثيرا ما استمتع بالوحده
الصمت يعطى فرصه للعقل للتفكير


تحياتى

NeVeN يقول...

مونتى
ازييك
بصى انا كمان بردو ببقا عاوزة اعمل كدة بس نادرا يعنى بس مش بكون مبسوطة زييك

بتكونى مبسوطة وانتى لوحدك ؟؟
هههههههههههههه

غريبة شوية يمكن عشان انتى بس محتاجة للهدوء ومفتقداه


مساءك نسكافيه

NeVeN يقول...

ليلة شتاء

ازييك انتى يا قمر
البنوتة كويسة وتمام بتسلم عليكى
وفيروز دى بموت فيها وبموت كمان فى اللى يحبها

اما بالنسبة للوحدة ساعات بيكون الواحد موده وحش ومش محتاج يشوف حد فتلاقيه بيخترع الوحدة لكن لو هو طبعه كدة او تفكيره بيميل للوحدة دايما دة بيكون صعب اوى



منورانى يا جميلة انتى
مساءك شيكولا

NeVeN يقول...

فينوس

ازييك
بجد بتحبى الوحدة ؟
و البطلة دى ممكن تكون انتى؟
بس يا فينوس دة اكيد فى اوقات بيكون صعب.. مش كدة ولا ايه؟

بس لو بيريحك اكيد هيكون على الاقل بالنسبة ليكى الجنة

ربنا يسعدك يارب

NeVeN يقول...

لاسع

بردو انت كمان بتستمتع بالوحدة؟

فعلا الوحدة كمان بتدى الانسان فرصة اكبر انه يقدر يفهم نفسه ويفهم اللى حواليه


مساءك ورد

Foxology يقول...

اعتقد ان كل واحد بيعمل اللى هو عايزه خصوصا فى اختيار الوحدة او الاندماج مع الآخرين

تحياتى

مهموهـــــــة يقول...

يا نهاري يا نيفين
و الله عيشتيني جو البنت دي
حسيت اني مخنوقة اوي اوي و انا بقرا البوست ده
لاني فعلا حسيت بالوحدة و انا بقراه
ماشاء الله عليكي و على اسلوبك الجميل

و فعلا معاكي حق
احنا اللي بنقتل نفسنا
احنا اللي بنظلم نفسنا
احنا اللي بنخنق نفسنا
احنا اللي بنضيع نفسنا

احنا بتوع الاتوبيس
هههههههههههههههههههههههههههههههه

حتة كده جت على بالي قلت نضحك شوية علشان الكآبة بقت زيادة اوي حياتنا و حوالينا

ربنا ما يكتب الحزن على حد ابدا يا رب

خالص حبي و تقديري

Timo.. يقول...

اصعب وحدة هي الوحدة وسط الزحام..!!
ساعات بهدوءنا بنتمنى حد يقتحم وحدتنا ويخرجنا منها بس للاسف مفهود الهدوء بيتاخد على انه حاجز من الوحدة الغير مسموح بلاقتراب منها..

فكرتيي بجملة بتقوم :
One is the loneliness nombers.!!

(';')

غروب يقول...

فعلا

احنا اللى بنختار الوحده والله

بمزاجنا يعنى

لكن لو تناسينا هذا المفهوم لبعض الوقت اكيد هنلاحظ التغيير

ربنا يعافينا شر الوحده اللى بتجيب الاكتئاب

القمرالباكي يقول...

السلام عليكم ورحمه الله وبركاته

مساء الخير ازيك يا نيفي

البنوته دي صعبانه عليا هي حاسه بالوحده واكيد تعباها وبرغم كده مستكينه وراضيه بيها وبتزودها لنفسها
احيانا الواحد بيحب يلجأ للصمت والوحده للتفكير واعاده الحسابات او للحزن لكن لوقت وبيطلع منه

اتمني متكونش خاطره شخصيه ليكي عشان متتعبيش

اسلوبك رائع
دومتي بخير

إمرأه من ثلج يقول...

تمام عندك
حق
احنا الى بنختار نبقى سعدة او فى تعاسة او وحدة فى الاول ةالاخر دا اختيارنا

انتى فين ياجميل من زمان ان شاء اللة تكونى بخير

ســـهــــر يقول...

صباح الجمال

بصى يا نوفا يا روحى
احيانا بنحتاج مسسسسساحه لنفسنا نعيد حسابتنا نفكر نزعل نبكى

لكن الوحدة اللى بتاخدنا شكلاّ ومضمونا مبحبهاش محبش انعزل تماما عن الناس والحياة ألا لسبب ما ومحبش كمان الفترة تطول

وحشتينى و لارا وحشتنى اوى
صباحك حب وفيروز وقهوه مظبوطة

NeVeN يقول...

Foxology

انا معاك ان كل واحد بيعمل اللى يريحه
لكن ساعات كدة الواحد بيلاقى نفسه بيعمل حاجات بتحسسه بالوحدة من غير ميقصد
ودة اللى انا بتكلم فيه


منورنى

صباحك ورد

NeVeN يقول...

مهموهة

اهلين بيكى يا اوحى
انا وحشة تصدقى؟
عشان حسستك بالوحدة متقوليش كدة امال احنا بنعمل ايه فى مدونات بعض مش عشان نونس بعضينا ولا ايه ؟

والله بجد ضحكتينى
بتنورينى بطلتك على طول يا مهموهتى منحرمش من رقتك يارب
وصباحك احلى وردة بنفسج

NeVeN يقول...

تيمو
فينك كدة
تصدق انت بجد كلامك صح مليون فى المية
انا شخصيا لما بحس انى لوحدى بتمنى اى شخص يقتحم الغلاف اللى بكون عملاه حوالين نفسى وخلاص


وبجد المقولة دى عجبتنى اوى كنت اول مرة اعرفها

صباحك سكر

NeVeN يقول...

غروب

اهلا بيكى اول زيارة الية على قلبى منك

وفعلا والله لو نسينا شوية ان فى حاجة اسمها وحدة جوانا هنلاقينا فى قمة السعادة والاندماج مع الناس



وربنا يسمع منك يارب

صباحك ياسمين

NeVeN يقول...

دودو القمر

ازييك
بصى الاحساس ككل مش البنوتة بس يصعب على اى حد ممكن يكون مر بتجربة كدة او حسها

والحمد لله الخاطرة مش شخصية لكن ممكن تقولى ان فيها اجزاء بتحصل معايا غصب عنى لوحدى بلاقينى بعدت نفسى كدة

صباحك نور

NeVeN يقول...

امراة من ثلج

بصى يا جميلة مش على طول انا اللى بنختار السعادة او الشقا
بس ممكن يكون لينا يد خفية فى الاختيارت دى

وانا وجودة اهه بس معلش بقا بختفى شوية عشان البنوتة العفريتة اللى مجننانى دى

و صباحك ياسمييين

NeVeN يقول...

سهورتى

روح الروح
بصى انا عارفة اننا لازم ناخد مساخة لنفسنا بس المهم انها متزيدش عن حدها يعنى متطولش كدة لاسابيع تجر شهور
ربنا يحميكى يااااااااااارب من الوحدة و اى حاجة وحشة يا قللب ماما انتى
:)

بوسة كبيييييييرة وحضن اكبر


وصباحك بطاطس
هههههههههههههههه

انت تسال والكمبيوتر يجيب يقول...

سعدنا بالمرور وبفكرة التدوينه ولذلك نوجه لك هذه الدعوهوننتظر التواصل معنا
نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

انت تسال والكمبيوتر يجيب يقول...

...تابع
وايه رايك لو طرحنا فكرتك فى مدونة برنامجنا الأذاعى وبعد ذلك نذيعها فى البرنامج؟

Sam Sh يقول...

في معظم الأوقات بتكون الوحدة إختيار شخصي جدا بالفعل .. و بيكون الواحد بجد مش عارف هو بقى وحيد ليه ؟؟
رغم إنه لو وقف و بص وراه شوية هيفهم هو وصل للمرحلة دي ليه .........

تحياتي

مرايتى يقول...

معاكى حق
بس كتير كمان بتبقى طبيعه حياه وظروف هى إلى بتفرض الوحده دى وممكن كمان تكون طبيعتها البشريه

وممكن هى هنا بتتحاشى الإختلاط أو بتبعد عن الناس لأسباب معينه فى دماغها أو تجارب مثلا
نوع من الهروب يعنى

كتير بنلجأللوحده هروب من الواقع

عن نفسى أحيانا أنا إلى بحط نفسى فى الحاله دى نوع من الهروب

Lyssandra يقول...

أحياناً الوحده بتبقي أحسن يا نيفو

مش دايماً
بس ليه فوايد كتير
اسأليني أنا :)

تحياتي يا جميلة
وحشتيني علي فكرة :)

Lyssa

NeVeN يقول...

انت تسال والكمبيوتر يجيب

ميرسى على الدعوة
والفكرة حلوة اوى
هتابع معاكم انا

تحياتى

NeVeN يقول...

Sam Sh

كلام مظبوط
والوحدة اسلوب خاص للتعمق فى النفس و مصادر قوتها وضعفها


مساءك فل

NeVeN يقول...

مرايتى

ما اجمل حالاات الهروب المؤقت للنظر فى امر ما


ازييك بقا ؟
منورانى دايما

مساءك ريحان

NeVeN يقول...

Lyssa

انتى اللى وحشانى اوى
و ليه بقا اسالك عن الوحدة شكلك بتفضليها
بتبقا حلوة اوى لو انتى اللى قاصداها لمدة صغيرة بس متطولش ونقدر نخرج منها بسهولة



وحشانى من هنا لاخر المدونة :)

مساءك وردات وفل

القمرالباكي يقول...

السلام عليكم ورحمه الله وبركاته

صباح الخير ياجميل

ياريت تتوجهي لمدونتي لقبول التاج الي اهديته لكي

P A S H A يقول...

حاسس إنها فلسفة إحتراف الوحدة
:)


تحياتي لأسلوبك الراقي البديع

لـــولا وزهراء يقول...

هو الوحدة اختيار ولا اجبار ولا مزيج من الاتنين ؟
ساعات مبنقدرش نختار الوحدة هي اللي بتقحم وبتفرض ارادتها علينا واحنا بنستسلم بدون مقاومة
شكرا لاسلوبك الجمييييييييييييييييييل اللي خلاني اقرا من اول حرف لاخر سطر
لـــولا

Wanda يقول...

الوحدة
اجبار يجبرك عليها
يا مجتمع يافكره ياعقيدة يا لغة

لو لاقية حد من دول كلهم بيسمع فعلا
مش حتبقى وحيدة
مش شرط يسمع كلام
كفاية يسمع تعبيرات الصمت
يسمع تعبيرات الوجة
يسمع لغة الجسم
يسمع صوت التنفس

و مش للعلم اكثر الاشخاص شعبية ساعات بيعانى من الوحدة برضة بس هل يقدر يحتزها ؟؟

NeVeN يقول...

دودو يا قمر ازييك


ومن عنيا حاضر اعتبرينى خلاص استلمت التاج
و هحاول ارد عليه كله


مساك سككككككككر

NeVeN يقول...

شريف باشا

اهلا بالعريس
منور ياجميل

تصدق ان الاحتراف اعمق من الاخترع فاتتنى يكون عنوان البوست كدة


مساءك سعادة

NeVeN يقول...

لولا
ازييك
هو الوحدة اصلا كمان كتير مبتكونش بارادتنا بتكون غصب عننا نتيجة لظروف بتاخدنا لتيار الوحدة بدون وعى مننا

منورانى وسلالالالالام كبير لزهراء



ومساءكم سكر

NeVeN يقول...

واندا

اهلا بيكى
اول زيارة عندى وزيارة غالية اوى
تعليقك عجبنى اوى وكلامك بجد تقسير رائع

نورتينى اوى


مساءك ورد

أم الخــلـود يقول...

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي كركر .. ويكتبون فوقها ..

(حملة الجـسد الواحـد)

رابط المدونة

http://krkr111.blogspot.com

جعله الله في ميزان حسانتكم .. آمين