الجمعة، 27 أغسطس، 2010

رمضــــــان هيبقا طول السنة هييييييييييييييييه





كل سنة وكلكم طيبين وصايمين رمضان و يتحسبلكم فى ميزان الحسانات

اكتشفت بقا ان رمضان دة حاجة حلوة خالللللص بتخلى الناس سكر

تكون ماشى قى الشارع فى عز زحمة العربيات تلاقى الناس وقفت عشان تعديك بكل سماحة وطيابة وبشاشة كدة فى وشهم منظر يشرح القلب لدرجة انك من الفرحة مش قادر تعدى وتحاول تحتفظ بالمنظر دة اطول مدة ممكنة
لكن فى العادى تتلطع نص ساعة على متقف الاشارة عشان تعدى وعلى متيجى تعدى تكون الاشارة فتحت وتلاقى العربيات حواليك زى قبائل النمل المهاجرة


ولو بتشترى حاجة من بتاع الخضار بتبقا الصراحة واكلاهم اوى ويقولك بكل صراحة معلش اصل الخضار دة عندى بقاله كام يوم
وفى العادى بقا لو حتى
  الواحد ماسك طمطاية مفعصة يقوم البياع يقولك والله لسة منزلين القفص حالا


ولو قابلت  حد من الجيران على السلم يبقا بيتحايل عليك عشان تشيل معاك الشنط ويستناك لحد متعدى والله ميصحش اتفضلى حضرتك لا والله يا حبيبتى ميصحش ابدا انتى الاول تقوم تقولها لا ودة يصح
مع ان فى العادى لو الواحد طالع السلم  وقابلت جارك يبقا يوم الهنا لو قال السلام عليكم ههههههههه وفكرك انه ممكن يستناك تعدى ههههههههههه دة انتو طيبين اوى دى اخر المستحيلات مش بعيدة وهو بيعدى يقوممديك كتف يوقعك للدور الاول تانى
عادى مش مهم فداه

هههههههههه


عارفين نفسى طول السنة تبقا رمضان بس ناكل فيه الصبح عادى ونصوم شهر واحد بس امال ايه هنصوم طول السنة ولا ايه
عشان نبقا حلوين كدة مع بعض على طول اصلى بطنى بتوجعنى من المعاملة الوحشة وبتجيلى روح معنوية

دة انا من كتر ملقيت رمضان بيغير الناس بفكر لو جيبت ولدد اسميه رمضان 
طبعا طولت فى الكلام كالعادة بس انا بجد مصدقت الاقى نص ساعة فاضية عشان اكتب حاجة
دة طبعا لان لارا خرجت مع الجيران ههههههههههههههههههه مش بقولكم رمضان دة حلو اوى

سلام  و كل سنة وانتو طيبين
رمضان كريم 



الجمعة، 18 يونيو، 2010

عيـــــد ميـــــلاد ميــــــــــن ؟؟؟؟



ازييكم وحشتونى اوى
معلش بقا بغيب كتير انا
بس بقا المرة دى جاية و أيدى مش فاضية

النهاردة يا سادة يا كرام يوم اتولدت فيه البت الشقية امو نص لسان اللى مبتعرفش تقول حرف الراء
هههههههههههههه
 اللى انا بحبها بردو
البت الشطورة الجدعة اللى بتسمع الكلام لما كنا نقولها البنات الحلوين بيعملو كدة تقوم فورررريرة تعمل زى مبنقول


المهم بقا من غير رغى كتير مالوش لازمة النهاردة عيد ميلاد سهر صاحبة مدونة ساسوو كافيه
حبى الاول وقبل الاخير :))
ززززى النهاردة زى الشاطرة جت الدنيا من غير عياط ولا اى حاجة جت مستسلمة ومش بتقول غير واء واء

البت يا اخواننا قولت اجبر بخاطرها واروح اجيبلها هدية بينى وبين نفسى
افوجأ بقا انها جاية تقولى ايه انا قررت انتى هتجيبيلى هدية ايه
دى النيلة هو انا كنت نطقت ولا قولت انى هجيب هدايا انا
دة انا قولت بينى وبين نفسى كدة اجيبلها هدية بقيمة اتنين جنية بالكتير
والاقى دى تقولى من ضمن اقترااحاتها ايه
بقولك ايه بمناسبة عيد ميلادى خدينى اصبغيلى شعرى
هههههههههههههههههههه

حد قالك يختى انى فاتحة ابونيه فى الكوافير
ومش عاوزة صبغة بتتعمل فى البيت لا دى عاوزة من الغالية

وشوية تقولى فسجينى يوم كامل فى كل الاماكن اللى بحبها دة انا لو عملت كدة هفسحك ييجى 40 سنة

ومن ضمن طلبات الهدايا اللى المفروض انها موجهة ليا انها عاوزة تروح تصيف اسبوع فى اليكس
وانا مالى انا
انا ست بيت مسئولة مش فاضية للعب العييال دة
ثم انى مينفعش انزل بحر اليومين دول انا

اخر حاجة قررت واستقرت على هدية روحنا نجيبها روحنا متخانقين مع البنت اللى بتبيع فى المحل اختلافا على الماركة
البنت مصممة انها اصلى واحنا متأكدين انها تقليد البنت زعلت واتحمقت اوى تقولش محل ابوها


المهم نزلنا اشترينا التورتة التمام وجهزنا كل حاجة وكل البنى ادمين اللى هييجو المفروض انهم على وصول لان معاد عيد ميلادها سوارية الساعة 10 وكل البنات لازم تجيب هدايا تعجب سهر ولو معجبتش هتضطر ترفضها وتاخد حقها ناشف

بس متقلقوش اخيرا استقرت واشترت الهدية بنفسها انا كدة عملت اللى عليا وزيادة
و هابى بيرث داى يا سهورة يا حبى يارب كل سنة تيجى تبقى احلى من اللى قبلها لانى موجودة فى كل السنين دى كلها


يارب اشوفك فى بيت العدل قريب

انا نسيت اقولكم صحيح مش انا منتظرة بيبى جديد
ويارب بقا يكون يوسف يااااارب عشان انا حطيت املى فيه انه هيبقا يوسف
ادعولى بقا و اعزرونى عشان بغيب كتير وبغطس كدة
 يلا سلام بقا اشوفكم على خير قريب اوى اوى

الثلاثاء، 4 مايو، 2010

فلسفــــة اختـــراع الوحــــدة

click to zoom

فلسفة اختراع الوحدة


دوما ما تختار الوحدة بارادتها ولكن دون ان تلحظ ذلك

حينما تذهب لعملها 
يسالها زملائها عن ما كانت تريد تناول الفطور معهم فتجيب انها اتت بفطورها وتجلس تأكل وحيدة على الرغم من تجمع باقى الزملاء للفطور فتشاهدهم وتفضل الصمت الذى بدوره يشعرها بالوحدة


تخرج مع صديقاتها المقربات
ويجلسن فى مكانهم المفضل على طاولتهم الجانبية
فيطلبن جميعا العصائر الطازجة بينما تطلب هى قهوتها المرة ويتحدثن كل منهن عن فائدة عصيرها التى طلبته على صحتها وبشرتها و.... و.....
بينما تصمت هى لانها تعرف ان قهوتها ليست مفيدة لها مقارنة بصديقاتها فتفضل الصمت الذى بدوره يشعرها بالوحدة

تقف فى المحطة لانتظار المترو
ارادت الوقوف فى الاخر لتكون مباشرة امام المدخل الاخير
فياتى المترو فى معاده وتدخل على الرغم من الازدحام لكنها نجحت فى اختيار مكان بعيد عن تجمعات البنات لانها تتلاشى الاختلاط او حتى مجرد الاحاديث العابرة فتقف لمشاهدة الحوارات الجماعية بينما تقف هى فى صمتها الذى بدوره يشعرها بالوحدة


تجلس مع والديها للتسلية و مشاهدة البرامج
بينما تفضل هى النظر للسقف وبعد ملاحظت والديها لذلك فيتجنبون الحديث اليها لعدم قطع افكارها وتركها تفعل ماتشاء
وتنظر وتنظر اكثر للسقف بدون اى افكار ولا احاديث داخلية فترى الاخرين يتجنبونها 
فتستمر فى الصمت الذى بدوره يشعرها بالوحدة

وتدور باقى احداث حياتها كذلك حتى انها لم تلحظ انها من تتعمد اقحام نفسها فى الوحدة
وترى ان ذلك بفعل الاخرين يريدونها وحيدة

ولكن لا احد يريد الاخر وحيد بينما نختار نحن ذلك بأنفسنا


الثلاثاء، 20 أبريل، 2010

هكـــذا تــأ مرنا الذكــريات








اين الاعوام والسنين والايام
حتى تتوقف بى الساعات لتعيد ايامى معك؟

واين حسابات الكون والارقام و الاعداد
ليتوقف قلبى عند لحظاتك ؟

واين الكلام والحروف والحكايات
ليتوقف نطقى عند احاديثك؟

ولماذا تتوقف كل الاحداث 
ويتكرر يومى
وتتكرر سنينى
وتتكرر كلماتى
هل هذا يحدث بفعل فاعل؟
ام انه شىء غامض
هل هكذا تأمرنا الذكريات
فهل هى 
لهذا الحد تملكتها الانانية ؟
ان لانعيش الا على اوقاتها؟
ان لا يتغذى حاضرنا الا بقطراتها؟
فهل
تملكها الغضب لانها اصبحت شىء قد كان
مرت عليه الكثير والكثير من الاعوام؟

سحقا لهذه الذكريات
فلتكن كما تريد

فقد اصبحت اكثر منها انانية 
احب حاضرى 
احب اشيائى الحالية
احب احداثى 
احب حياتى بكل تفاصيلها
احب هدوء القلب 
وراحة البال
و احساس الرضا
وبطء الاحداث
و تشابه الايام

على الرغم من بلادة الحاضر وسخافته و كأبته

فقد اصبحت احبه اكثر من تلك الانانية

فويل لانسان يعيش على ماضيه
وينسى حاضره
ويرى جمال الماضى وينسى روعة الحاضر

الأربعاء، 31 مارس، 2010

ســـاذجة عميـــــاء




اكتشفت صدفة
انه يدمنها سرا
ينتشى لتذكر ملامحها
يغيب عقله عندما يمر على حواسه عطرها
يفقد وجوده عندما يتذكر تفاصيلها

خافت
بل انتهابها شعور لا تقوى على وصفه
فكيف لم تعلم كل هذا طيلة الوقت

فتحاذقت عليه
وحاولت جاهدة بالبحث عما يثيره فيها
لتتزين به
حتى تلفت انظاره لما اكتشفته

وبحثت عن كل الادوار التى يمكنها ان تلعبها

حتى لا تلفت انظاره لما اكتشفته

ليس تناقض منها
لكنه
فقط
لتترك  له فرصة الاعتراف
الذى يصعب عليها سماعه
اعترافه لها
 بحبه للاخرى
لتتاكد
ولتحدد كيف ستكمل حياتها
لانها ملت  من نظراته لها على انها حبه الاخر
وملت من تقمصها لدور الساذجة
وملت كذبه
ومحاولة تأكيده انها حبه
لكنها لم تكن حبه بل كانت دواء حبه


تعذبت باكتشافها لفك طلاسم الاحداث
و جمع الادلة التى تدينها فى ذكائها
فهى دائما ما كانت يثيرها قوة حبه لها
فهى كانت عمياء ترى

كم كانت ساذجة طيلة عام
كم كان ذكى ومخادع طيلة عام
كم كانت تحترق به طيله عام
كم كان يحترق بالاخرى طيلة عام

كم احبت هذا العام
وكم كرهت هذا العام


اكثر الاكتشافات ايلاماً
جينما يكتشف  شخص انه بديل لشخص اخر

الخميس، 25 مارس، 2010

اعتراف لابد منه
















اعلم انك تعلم انى احبك

( بل اعشقك )

ولكنك تخبرتى انك لا تعلم شئ

( بل تتظاهر بالجهل )

اذن فانت تعلم وتجهل

تفرح خفية وتحزن علنا

فيسعدنى خفية فرحك

ويمزقنى علن حزنك

فاتهم بانى قاسية

وان مثلى لم يدق قلبهم الا للحياة


......نعم ......
انه حقاً

فانا لا يدق قلبى الا للحياة

وانت لى الحياة

انت لى امان العمر

فانا لا اريد ان اضيع عمرى هباء

انت سكن القلب

فلا اريد قلبى مهجور

كفا فانا

كما تعلم

 لا اجيد وصف المشاعر

فقط اكتفى ب التجول حولها من بعيد

فقد اقذف حجر فى البركة حتى تكشف عن اسرارها

ـــــــــــــــــــــــــــــ

على السيرة

بهديك الاعنية دى وعد منى ليك هنفذه

الله يهنيك فيني والله يهنيني فيك
يا عسى تبقى بيديني ويا عسى ابقى بيديك
ان طلبك اعطيك عيني والله ما تغلى عليك
اللي مابينك وبيني اغلى من الدنيا ذيك
تتذكرين اول مرة نلتقي فيها !
ايه ولا تضحك احلفك لقانا الأولي
لما جا كفي بكفك وكانت عيونك علي
ارتبكت من زود لطفك وقلت في نفسي اثقلي
رغم اني ما اعرفك بس شعرت ان انت الي
وهذا احنه يا حياتي نتبدي درب جديد

اوعدك حتى وفاتي ما اتركك لحظه وحيد
معاك اشعر بذاتي والرضى فيني يزيد
ما اخاف وما احاتي والحزن عني بعيد
........


الأحد، 21 مارس، 2010

يا مـــلاكى






ربنا يخليكى لينا

 ملناش غيرك فى الدنيا كلها بعد ربنا

انتى عارفة كدة كويس جدا

وكل سنة وانتى احن ماما

وربنا يشفيكى

ويطول عمرك وتشوفى احفاد لارا

بحبك اوى