الجمعة، 27 أغسطس 2010

رمضــــــان هيبقا طول السنة هييييييييييييييييه





كل سنة وكلكم طيبين وصايمين رمضان و يتحسبلكم فى ميزان الحسانات

اكتشفت بقا ان رمضان دة حاجة حلوة خالللللص بتخلى الناس سكر

تكون ماشى قى الشارع فى عز زحمة العربيات تلاقى الناس وقفت عشان تعديك بكل سماحة وطيابة وبشاشة كدة فى وشهم منظر يشرح القلب لدرجة انك من الفرحة مش قادر تعدى وتحاول تحتفظ بالمنظر دة اطول مدة ممكنة
لكن فى العادى تتلطع نص ساعة على متقف الاشارة عشان تعدى وعلى متيجى تعدى تكون الاشارة فتحت وتلاقى العربيات حواليك زى قبائل النمل المهاجرة


ولو بتشترى حاجة من بتاع الخضار بتبقا الصراحة واكلاهم اوى ويقولك بكل صراحة معلش اصل الخضار دة عندى بقاله كام يوم
وفى العادى بقا لو حتى
  الواحد ماسك طمطاية مفعصة يقوم البياع يقولك والله لسة منزلين القفص حالا


ولو قابلت  حد من الجيران على السلم يبقا بيتحايل عليك عشان تشيل معاك الشنط ويستناك لحد متعدى والله ميصحش اتفضلى حضرتك لا والله يا حبيبتى ميصحش ابدا انتى الاول تقوم تقولها لا ودة يصح
مع ان فى العادى لو الواحد طالع السلم  وقابلت جارك يبقا يوم الهنا لو قال السلام عليكم ههههههههه وفكرك انه ممكن يستناك تعدى ههههههههههه دة انتو طيبين اوى دى اخر المستحيلات مش بعيدة وهو بيعدى يقوممديك كتف يوقعك للدور الاول تانى
عادى مش مهم فداه

هههههههههه


عارفين نفسى طول السنة تبقا رمضان بس ناكل فيه الصبح عادى ونصوم شهر واحد بس امال ايه هنصوم طول السنة ولا ايه
عشان نبقا حلوين كدة مع بعض على طول اصلى بطنى بتوجعنى من المعاملة الوحشة وبتجيلى روح معنوية

دة انا من كتر ملقيت رمضان بيغير الناس بفكر لو جيبت ولدد اسميه رمضان 
طبعا طولت فى الكلام كالعادة بس انا بجد مصدقت الاقى نص ساعة فاضية عشان اكتب حاجة
دة طبعا لان لارا خرجت مع الجيران ههههههههههههههههههه مش بقولكم رمضان دة حلو اوى

سلام  و كل سنة وانتو طيبين
رمضان كريم 



13 اللى صبحو ومسو:

adel يقول...

امال ليه الاغلب بيبقي عكس كده
خناق في الشوارع من اول النهار اصلا و السبب ياعم احنا صاييمن
و النفاق و السجاير و الرشاوي
كل ده لا ينقطع في رمضان

اعتقد بتتطلم عن مكان تاني مش عندنا :)

رمضان كريم

NeVeN يقول...

لا يا عادل مش بتكلم عن مكان تانى ماهو عندنا زى عندكم بالظبط بس الناس بقا بتحاول تاخد ثواب وبتيجى على نفسها بيكونو بقا لسة طالعين من المسجد و الحس الايمانى واخدهم شوية
بس ميمنعش ان فى ناس بتتلكك كالعادة فى رمضان وغيره وبتكون زيادة فى رمضان بحجة احنا صايمين وروحنا فى مناخيرنا

إيمان يقول...

انا برضو معاكى ومش معاكى
يعنى شايفه اعمال الخير كتير
والحس الايمانى عالى
بس شايفه جانب سلبى اكون معديه والادان والتراويح شغاله
وفيه شباب وناس كبار
قاعدين على كافيه
سواء يشيشوا او بيلعبوا ضومنه
ومفيش احترام حتى للادان اللى شغال
هو زى مافى الحلو فى الوحش
تحياتى وحبى
تقبلى مرورى

P A S H A يقول...

حمداً لله ع السلامة
:)
كل سنة وأنتِ طيبة وبألف خير وصحة وسعادة إن شاء الله

ورمضان كريم
:)
فانوس للارا
۩

محمد التركى يقول...

والله ياريت يكون رمضان العام كله
ياريتك سنه يارمضان
بس والله انا بموت فى الصيف من المياه
الاكل مش مهم
المهم العصاير والببسيى والمياه السقعه

بس ياريتك سنه يارمضان
فى بركاتك
فى حسناتك
فى روحانياتك
فى طبتك واخلاقياتك

كل سنه وانى طيبه
سامحينى على طول غيابى عن مملكتك الرائعه

تقبلى تحياتى وودى واحترامى

محمد التركى

ســـهــــر يقول...

ههههههههه
يارييييييييييييت يا بنتى واجى افطر عندك زتجبيلى كل اخر شهر لبس العيد
يااااااااااه تبقا الحياة فلة

راء يقول...

ههههههههههههه
ازيك يا ام رمضان

اصل شوشو محبوس اليومين دول ف الناس بتحاول تقنع نفسها ان شوشو سبب المشاكل مش هما..وبالتالي بيتعاملوا كويس

كل سنة وانتي بخير

Ms Venus يقول...

نوفا


كل دى غيبة


كل سنة وانتى طيبة وبخير يا قمراية

صوت من مصر يقول...

صباح ومسا
احلى اسم بجد
بس لو رمضان هيبقى طول السنة مش هنحس بيه

القمرالباكي يقول...

السلام عليكم ورحمه الله وبركاته

ازيك ياقمر كل سنه وانتي طيبه
ياريت فعلا طول السنه رمضان والناس تتعامل بضمير وروحانيه والتمسك بالدين الي بيكون فيه
بس فعلا مش كل الناس بيلتزموا بالحاجات دي في ناس ولا بياثر معاهم رمضان ولا غيره
دومتي بخير

عروستى يقول...

مجهود رائع منك

Unknown يقول...

كل سنة وانتى طيبة يا نيفين
عاملة اية انا اسفة على تقصيرى بس رقمك مش معايا
وكنت حابة اطمن عليكى

almthalia يقول...


شركة المثالية للتنظيف بسهات
شركة المثالية الدولية

تواصلوا معنا للحصول علي خدمات شركة المثالية للتنظيف ومعرفة اسعارها المميزة وخدماتها بجميع مدن ومحافظات المنطقة الشرقية علي جوال 0577017188 نصلكم اينما كنتم