الأربعاء، 31 مارس 2010

ســـاذجة عميـــــاء




اكتشفت صدفة
انه يدمنها سرا
ينتشى لتذكر ملامحها
يغيب عقله عندما يمر على حواسه عطرها
يفقد وجوده عندما يتذكر تفاصيلها

خافت
بل انتهابها شعور لا تقوى على وصفه
فكيف لم تعلم كل هذا طيلة الوقت

فتحاذقت عليه
وحاولت جاهدة بالبحث عما يثيره فيها
لتتزين به
حتى تلفت انظاره لما اكتشفته

وبحثت عن كل الادوار التى يمكنها ان تلعبها

حتى لا تلفت انظاره لما اكتشفته

ليس تناقض منها
لكنه
فقط
لتترك  له فرصة الاعتراف
الذى يصعب عليها سماعه
اعترافه لها
 بحبه للاخرى
لتتاكد
ولتحدد كيف ستكمل حياتها
لانها ملت  من نظراته لها على انها حبه الاخر
وملت من تقمصها لدور الساذجة
وملت كذبه
ومحاولة تأكيده انها حبه
لكنها لم تكن حبه بل كانت دواء حبه


تعذبت باكتشافها لفك طلاسم الاحداث
و جمع الادلة التى تدينها فى ذكائها
فهى دائما ما كانت يثيرها قوة حبه لها
فهى كانت عمياء ترى

كم كانت ساذجة طيلة عام
كم كان ذكى ومخادع طيلة عام
كم كانت تحترق به طيله عام
كم كان يحترق بالاخرى طيلة عام

كم احبت هذا العام
وكم كرهت هذا العام


اكثر الاكتشافات ايلاماً
جينما يكتشف  شخص انه بديل لشخص اخر

39 اللى صبحو ومسو:

ســـهــــر يقول...

اكثر الاكتشافات ايلاماًجينما يكتشف شخص انه بديل لشخص اخر

دى اكتر حاجة توجع
توجع اكتر متجرح بتخلى الواحد فى حاله من الزهول وعدم التصديق

بس انا شايفه ان الافضل من البداية من اول محست ان فى حد تانى ساكن القلب والكيان
هى المواجهه بما انها كانت مستنية الاعتراف وواثقه انها هتتصدم
يبقا مواجهه الصدمة ارحم بكتير من انتظارها

صدقينى القلب المسكون بحب بيستحوزة غير صالح لحياة مع امراه أخرى

اتمنى تكون حالة بعيدة كل البعد عنك

حلوة حد الجمال الخاطرة
وحشتينى بس كلامك خدنى لبعييييييد

تحياتى يا احلى نوفا

إيمان يقول...

احساس صعب جدا
انك فجأه تكونى بديل لحد تانى
او خيال لحد تانى
وان الشخص ده مش شايف اللى قدامه ولا اى مميزاته او عيوبه
وان كل اللى بيحمله عقله طلاسم شخص اخرى
ربنا يبعدك عن المواقف دى ويارب ماتحسيها
لانها صعبه جدا بتجاهل او فقدان احساس حد بذاتك
مع خالص حبى وحبى 

لاسع افندى يقول...

كم كانت ساذجه
وكم كان هو مخادع


تحياتى

NeVeN يقول...

سهورتى
انا معاكى ان المواجهة ارحم من الانتظار
لكن يا سهر اللى ساعات كدة بييجى للشخص اللى بيحب صمت مفاجىء وبرود لاكتر من سبب ممكن لتاكيد احساسه او من كتر حبه وهول صدمته او بقا لتاكيد الطرف التانى انها ارحم منه فى انها مصدمتوش زى مصدمها وكسرها

بتعجبنى دماغك يابنتى والله


وانتى طبعا عارفانى يعنى الكلام دة ملوش اى صلة او علاقة منى لا من قريب او بعيد دة مجرد كلام جه فى بالى
او موقف شفته بيتكرر كتير

مساءك بنفسج

NeVeN يقول...

مونى
ازييك
بجد دة تتصعب احساس على الواحد
وخصوصا لما يكون فى نظر اللى بيحبه مجرد بديل للاستشفاء من حب فاشل

وربنا يبعدنا جميعا عن الموقف والاحساس دة
نتورانى يا حبيبتى

مساءك سكر

NeVeN يقول...

لاسع افندى
ازييك

هى فعلا اللى بتتحط فى الموقف دة ومتحسش الا بعد قت طويل

بتكون ساذجة وقعت فى شباك مخادع


مساءك ورد

هي وظروفها يقول...

صباح الخير يا نيفين

لارا عروستنا الجميله عامله ايه

انا معتش احساس اني اتعرف عشان حد ينسي بيا جرحه

بس اظن وليس كل الظن اسم

ان الانسان اللي يحاول ينسي حد بحد بيكون ظالم لنفسه اولا ولالانسان اللي معاه ثانيا

مش هيقدر يستمر وهيقارن بين كل حركه هنا وهنا
اسلوب تصرف الشخص التاني في الموقف ده كان كده

طريقه ضحكه كانت كده

شياكته في لبسه وفي كلامه كانت كده


اسلوب خفه دمه وتقلباته الزاجيه كانت كده

ذوقه السماعي كان كده

حب لاماكن خروج كان كذا
عشقه لمكان معين يختلف عن اللي معاه دلوقتي في كذا

طريقه رومانسيته ومحبته وحنيته كانت كذا

بيضحك ازاي وده كذا

بيهتم ازاي وده كذا

بيواسي ويطبطب ازاي وده كذا

من الاخر هيظلم نفسه قبل اي حد واللي يظلم نفسه

توقعي منه يظلم اي حد

تحياتي لخاطرتك الذيذه

وعذرا لالاطاله

Ms Venus يقول...

اكثر الاكتشافات ايلاماًحينما يكتشف شخص انه بديل لشخص اخر


وقفت كتير اووووووى قدام الجملة دى

لمستنى جدا

نيفين

تأثير كلامك عليا مخلينى عاوزة اسكت وبس


تقبلى مرورى الصامت

القمرالباكي يقول...

السلام عليكم

صعبت عليا البنت دي
حاجه تجرح اوي لما تكتشف انها مجرد بديل عن وحده تانيه
الافضل لها تبعد من الاول بدل الغش وتيجي منها وتصارحه بمعرفتها افضل من تضيع الوقت
عموما الحب ديما بيخلي الانسان ساذج واعمي مش فالمموقف ده لا فحاجات كتير

تسلم ايدك ودومتي بخير

Tamer Nabil Moussa يقول...

مين يرضى يكون بديل وسكة لشخص اخر

البعد راحة عنة فى هذة الحالة ارحم من اكمال دور البديل

مع خالص تحياتى

إمرأه من ثلج يقول...

حبيبتى أخبارك

دى مش سذاجة دى محاولة للتمسك بالقشة زى الغريق

لكن للاسف دة طبع معظم الرجال الخداع والمكر

بحبك أوىىىىىىىىىىىىى

Tamer Moghazy يقول...

"ينتشى لتذكر ملامحها..
يغيب عقله عندما يمر على حواسه عطرها..
يفقدوجوده عندما يتذكر تفاصيلها.."

ياااااه...
هي حبته..قد ما هو حب التانية..

"لكنها لم تكن حبه بل كانت دواء حبه"
"اكثر الاكتشافات ايلاماًجينما يكتشف شخص انه بديل لشخص اخر"

بجد انا ممكن اعمل تعليق على كل جملة في البوست ده..

بين قوسين وسر بيني وبينك (انا قريت البوست اكتر من 10 مرات ورا بعض من غير ما اشعر)

رحلتنا في الحياة يقول...

جينما يكتشف شخص انه بديل لشخص اخر

ياااااه صعبة اوى دى

جميل جدا البوست يانفين

Unknown يقول...

آه ..
صح
!!
أكتر حاجة توجع ان حد يكتشف انه كومبارس ..
او شخصية هامشية بتملا فراغ لحد الربع ..!!
اصلا اي حد حاسس انه بيعمل دور حد تاني .. او بيحل محل حد لمجرد الاحلال .. لازم ينسحب .. !
النص دة ضايقني اوي
فكرني بفترة عقيمة قاتمة اللون في حياتي !!
نص حقيقي .

الأرمـوطــي يقول...

على الرغم ان الموضوع طرح بصور عديدة بس طرحك لية جميل لكن لية فية شئ من الغموض
تحياتى ليكى

سمع هوص (Abo 3li) يقول...

افتكر ان الواحد بيكون بيخدع نفسه علشان ميفوقش علي الحقيقة الهتتعبو..

تحياتي

NeVeN يقول...

وليد
ازييك
ولارا بتسلم عليك والحمد لله هى تمام التمام
على فكرة اللى بيقارن بين حد حبه وحد بينسيه حبه
بيقد الاتنين القديم والجديد
وبيفقد معاهم نقسه
وسعادته
المقارنة بين شخصين حتى فى اى موقف تانى بتكون ظالمة لان مفيش اتنين فى الدنيا زى بعض ولو حتى كان التشابه كبير اكيد فى اختلافات

مساءك ورد

NeVeN يقول...

فينوس
ازييك يا حبيبتى
ياريت مكونش حسستك بديق او حزن


ومرورك الصامت بردو هيقدر يوصللى انتى حسيتى بايه

منورانى يا قمر

NeVeN يقول...

القمر الباكى
ازييك بقا؟
عاملة ايه
انا معاكى ان ارحم ليها انها تصارحه بأكتشافها المميت
لكن انتى عارفة اللى بيحب بيحاول يبرر للى بيحبه اى خظاء لحد ميسمع منه بنفسه


مساءك نور

NeVeN يقول...

تامر نبيل
طبعا البعد ارحم لكن هى مكانتش بتكمل دور البديل بارادتها هى كانت اخداه وسيلة بعد ما اكتشفته

لحد متوصل للى هى عاوزة تسمعه


مساءك فل

NeVeN يقول...

فاطمة
ازيك يا حبيبتى عاملة ايه
انتى بجد فهمتى اللى كنت عاوزة اوصله بس مش هى كانت متعلقة بيه
هى متعلقة باعتراف هيحدد حياتها معاه ياما ايوة او لاء


انا بجد اللى بكوت فيكى وبحبك فى الله
مساءك كراميل

NeVeN يقول...

تيمو
ازييك؟
يشرفنى جدا انك تقولى تعليقك على كل كلمة وقولى نقضك كمان انا مش هزعل
وعلى فكرة السر فى بيرررر بس مش غويط اوى
وبجد مبسوطة ان البوست عجبك
ومستنية التعليقات الجاية ان شاء الله


مساءك ورد

NeVeN يقول...

ايوشة
ازييك؟
انتى اللى احساسك
اجمل من اى كلام يتقال

مساءك وردات

NeVeN يقول...

قهوة بالفانيليا
اهلا بيكى
سلامتك يا قمر وانا اسفة انى دايقتك او حتى فكرتك باوقات صعبة عدت عليكى

ربنا ميكررهاش تانى

منتظراكى تانى كتيييير

مساءك انوار

NeVeN يقول...

الارموطى

ازييك
اولا ميرسى على كلامك الجميل دة
وثانيا انا يمكن الغموض جزء من شخصيتى غصب عنى بيطلع فى كلامى

مساءك فل

NeVeN يقول...

ابو على ياجن

ازييك
الواحد مش بيخدع نقسه بس لا دة بيمنى نفسه بحاجات عمرها مهتحصل لكن غصب عنه بيعمل كدة


مساءك مربى

فاتيما يقول...

الله يا نيفى


حلوة قوى الجملة الختامية دى


على فكرة

يبدو اننا دامئا نعيش بدائل لأشخاص آخرين

و لمشاعر آخرى

و لمواقف آخرى


بس اوقات نكتشف الحقيقة دى
و اوقات تعدى بسبب نجاح اصحابها فى اخفائها عننا او وقوعهم بالفعل فى فخ النسيان و استبدالنا من غير ما يحسوا بمن كانوا قبلنا


تحياتى يا ام لارا

انتى حد عميق قوى فى مشاعره و تأملاته و بتدهشينى كل مرة ادخل هنا بجد

بوسات و حضونات
و تشكرات رهيبة لماما و النبى

ليله شتاء يقول...

السلام عليكم
تتحدث عنها فى كل لحظه
ذكرياتك معها حاجز للنظره
حبها يحجب كل همسه
وهى بينك وبينى وبين اللمسه
تطير فى روحك أنفاس الكلمه
عشقها يجرى فى قلبك مع كل نبضه
وهل تظن يوماٌ يصبح حبها مجرد ذكرى


*******************
أصعب أحساس انك تكون بديل لحد تانى وعاي فى دور غير دورك علشان ترضى غرور حبيبك ناكر أبسط حقوقك أنك لا تكونى دوينى بالتى كانت هى الداء

دام قلمك ودامت أيامك بالخير

محمد التركى يقول...
أزال المؤلف هذا التعليق.
محمد التركى يقول...

الجميله/ NeVeN
والله كلامك جميل جدآ وبجد احساسك عالى جدا فى توصيل الكلام ده
أنا هقولك حكايه مش مهمه بس لما قرأت كلامك فكرنى بيها
كنت بحب أنسانه الله يسهلها وكنت بعشقها عشق ومحصلش نصيب أنى أتجوزها
فبعد ما سبتها خطبت واحده تانيه على طول علشان أنساها
بس للأسف مقدرتش طول مده الخطوبه مكنتش شايف غير اللى حبتها
بسمع صوتها هى
بشم عطرها هى
مش شايف غير عنيها وبس
فاخطبتى لحظت ده وبعد محولات كتير أعترفتلها أنى بحب غيرها مش بحبها هى
وخت الكرار أنى أسبها
وبعد مده كبيره وساعه صراحه مع نفسى أكتشفت أنى كنت غلطان وخسرت كل حاجه
خسرت أنسانه كنت بحبها ومكنتش نصيبى
وخسرت أنسانه كانت بتحبنى وكانت نصيبى
وظلمت 3 ملهمش زنب
اللى حبتها
واللى خطبتها
ونفسى

أنا معشتش الأحساس اللى أنتى بتتكلمى عليه
بس للأسف عيشته لأنسانه ملهاش زنب فى شئ
وظلمتها

ربنا يسامحنى
أنتى فكرتينى بأيام عصيبه جدا عليا
مكنتش أحب أفتكرها علشان بتتعبلى أعصابى

بس بجد كلامك جميل جدآ
ربنا يبعد عنك الظلم
لا تعشيه ولا تعيشيه لحد
أمين يارب

تقبلى مرورى وسامحينى للأطاله


ودى وحبى وتقديرى لقلبك الحساس

P A S H A يقول...

الفاضلة / أم لارا

إزاي لارا ؟؟

يا رب تكون بألف خير إن شاء الله .. ربنا يفرحك بيها ويطمنك عليها ويحفظها لك من كل سؤ . اللهم آمين


تقبلي مروري وخالص تحياتي وتقديري

:)

سلام

أسماء حسين يقول...

ايه دة ايييه دة
الله عليكى انتى رووعة يا بنتى
مش ببالغ بجد
أنا أول مرة أدخل عندك وقريت فى المدونة بس رجعت تانى للبوست دة أقولك رأيى
متتصوريش حسيت بايه وأنا عينى بتيجى عليه أول ما فتحت المدونة وقرأته كام مرة
ماشاء الله عليكى
انتى جسدتى حالة الم موجعة أوى فى الحب باسلوب حى جدااااا
تحياتى ليكى من كل قلبى بجد :)

فاتيما يقول...

انتى غطسانة فين يا نيفى ؟؟

طمنينا عليكى يا حبيبتى و على لارا

يا رب تكونوا بخير دايما

خالص حبى يا حبيبتى

NeVeN يقول...

فاتيما
وحشتينى اوى والله
بصى انتى بجد كملتى اللى انا كنت عاوزة اقوله صحيح فى ناس بتتقن الاستشفاء من قصة فشلت بشخص جديد وناس بتنسى انها حبت حد عشان تنسى بيه حد وبتحبه اكتر من اللى عاوزة تنساه
وناس كمان بتبقا عارفة انها البديل لكن ضعفها بيمنعها انها تنسحب

والله وحشنى كلامك اوى انا عارفة انى مقصرة اوى

وسلاماتك وصلت
وحضن كبييير اوى ليكى

مساءك حب

NeVeN يقول...

ليلة شتا
وحشتينى
عاملة ايه؟

الله على كلامك
بجد معبر اوى
ومداخلة ممتازة
عجبتنى اوى
منحرمش منك و لا من كلامك الجميل دة
مساءك ياسمين

NeVeN يقول...

محمد التركى
اولا ميرسى على كلامك
ثانيا عاوزة اقولك انك
يمكن عشان انت كنت صريح مع نفسك مقدرتش تكمل
والحمد لله انك انهيت الخطوبة لانك كنت هتعيش
متعذب ومعذب اللى هتتجوزها معاك
متتخيلش مدى الاهانة اللى بيحسها الواحد لما يكتشف انه بديل اد ايه

انت ممكن تكون ظلمت نفسك لما فكرت انك لما ترتبط هتنسى اللى حبيتها
لكن بجد هو دة الواقع تلاقى حد بيحبك وانت مش حاسس بيه وتلاقى حد حبيته وهو مقدركش وكمان هتلاقى حد يحبك ومتقدرش تستغنى عنه تحت اى ظروف
ربنا يبعتلك اللى تحبها وتفهمك و تكملو حياتكو مع بعض

شرفتنى بزيارتك
و انا اسفة لو كنت فكرتك بحاجة دايقتك


مساءك ورد

NeVeN يقول...

شريف باشا

ازييك
الحمد لله لارا بقت اشقى من الاول :)
ربنا يكرمك يارب ونشوف ولادك مالين المدونات كلها
وميرسى اوى اوى على الدعوة الجميلة وربنا يسمع منك يارب اللهم امين


مشرفنى والله بوجودك

مساءك فل

NeVeN يقول...

بوكى

اهلا بيكى يا حبيبتى
يارب تكون عجبتك المدونة
وتنوريها تانى
انتى عارفة انتى بجد
بتعجبنى بوستاتك اد ايه
ومعلش لو كنت مقصرة شوية

مساءك سكر زيادة

NeVeN يقول...

فاتيما
كلاكيت تانى مرة
معلش انا عارفة انى اختفين من المدونة مرة واحدة
بس كان فى مشكلة عندى مكنتش عارفة ادخل ولا عارفة اعمل فيها اى حاجة
وكمان لارا بجد جننتنى اوى مشاكل السنان على الشقاوة على الكوارث اللى بتعملها
بقت مخليانى مش عارفة ابص جمبى
ربنا ميحرمنى من سؤالك يارب
يا امو قلب حنين انتى

بموت فيكى والله
بوسااااااااااات كتير و حضن كبير