الاثنين، 8 مارس 2010

بقايا الذاكرة





اسرح ببعض من بقايا الافكار
حتى وصلت الى خيبتى الكبرى بك
فانا لا اعلم كيف تركت بقاياك
فى احشاء افكارى جنين
تؤلم كلما طال الفراق
تولد من جديد مع كل فجر
تنمو كلما زادت سنوات عمرى

تذكرتنى فهى لم اكن انا الحالية
كنت
شابة بقلب طفل
انسانة بروح طير
متمردة بعقل مطيع


اما الان فانا امراة برماد قلب
يأست من محاولات الهروب
والبحث عن مكان بعيد
فى زاكرتها لايحتويك
وبحاضرها لا يحمل شىء منك
وبقلبها لا يحترق عليك
لتبدء به الحياة
فقد مللت من التظاهر بالحياة

ولا تستطيع البدء بالحياة الا بنسيان زاكرتها
وحاضرها وقلبها



25 اللى صبحو ومسو:

adel يقول...

وصلت الى خيبتى الكبرى بكفانا
لا اعلم كيف تركت بقاياك
فى احشاء افكارى جنين
تؤلم كلما طال الفراق
تولد من جديد مع كل فجر
------------
استمري في تلك التعبيرات :)
اهي شئ بنضف الدماغ من الكلام اللي اي كلام اللي الواحد بيقراه في كل حتة :)

بس الذاكرة مفيدة حتي لو الذكريات نفسك تنسيها
ساعات بيبلها طعمها الخاص

سمع هوص (Abo 3li) يقول...

جميلة اوي يانفين...
تقريبا ده اول تعليق ليا عندك...

عارفة احلي جملة عجبتني ايه؟
" خيبتى الكبرى بك"

مش عارف ليه لما قريتها مخلتنيش مركز في باقي البوست... ف قريته من الاول مرة كمان..

تحياتي علي تعبيراتك الرقيقة

NeVeN يقول...

عادل

الذاكرة مفيدة لو فيك القدرة انك متخليهاش مسيطرة عليك
وبيبقالها طعم خاص لما بتفرحك وتبكيك وتألمك بس متتعداش مرحلة التذكر وتبقا الذاكرة ماضى وبس

تشجيعك دة بيبسطنى اوى
بتنورى بكومنتاتك المختلفة

مساءك وردى

NeVeN يقول...

ابو على
شرفتنى

يعنى معجبكش غير دى بس؟؟؟ :(

ميرسى على كلامك الجميل

ومستنية زيارت كتيييييير منك

نورت

إمرأه من ثلج يقول...

اما الان فانا امراة برماد قلب
يأست من محاولات الهروب
والبحث عن مكان بعيد
فى زاكرتها لايحتويك

بصى بجد من غير مجاملة كلماتك أكثر من رائعة

والبتين دول كأن فى حاجة كنت عايزة أقولها وأنتى عبرتى عنها بدل منى

تحياتى ودمتى فى تألق

emymony يقول...

اول زيارة لمدونتك جميله اوى
بجد حسيت فيها بالدفء والحنيه
هتقولى لى ازاى هقولك مااعرفش
يمكن لانك بتتكلمى بقلبك اكتر من الخيال الغير واقعى
البوست حلو اوى
تذكرتنى فهى لم اكن انا الحاليه
كنت طفله شابه بقلب طفلا نسانه بروح طير متمرده بعقل مطيع
تحياتى

الوفية للأبـــد -- مها أحمد يقول...

نيفيـــن ...........
حبيبة قلبي اول زيارة لمدونتك و بجد سعيدة بيها و بيكي اوي و الله
و اتمنى يا رب اني اتابعها علطول و ان شاء الله هيحصل
و بجد سعيدة اوي باحساسك و جو الرومانسية الجميل اللي في المدونة يا قلبي

ربنا يخليكي يا عسولة يا رب

و انسي اللي راح و خلي قلبك يرتاح

امانة عليكم يا مدونين اكتبوا عن الفرح و السعادة و انسوا الهم و الحزن و الشجن شوية
خلونا نطلع من الجو ده

ربنا يخليكي يا نيفين و على فكرة انا ضيفت المدنة عندي في القايمة المهمة لانها تستاهل بجد

تقبلي مروري الاول و ان شاء الله مش الاخير

خالص حبي و احترامي و تقديري

ليله شتاء يقول...

السلام عليكم
اله بجد رائع مشاعر حزن وألم من الدكرى والذكريات
ربنا يكتبلك السعاده والفرح ويبعد عنك الاحزان كلامك حلو أووووووووووووى
وطبعا ضفت المدونه عندى
وأتمنى دوام التواصل
دمتى بخير وسعاده ودام قلمك الباكى

ليله شتاء يقول...

قلمك الباكى هو منفذ مشاعر الحزن وليس سبب بكائك
تحياااتى

Diyaa' يقول...

حلوة فكرة البقايا والجنين دي :)

مساء التراجيدي


بالمناسبة كنت داخل أقول
إن فاتيما ردت على تعليقك ووضحت اللي مكانش واضح :) وهتنوري أكيد

والسلام ختام

Tamer Nabil يقول...

كلام مظبوط

والذاكرة مفيدة لاانسان فى حاجات كتير

مع خالص تحياتى

لاسع افندى يقول...

كلماتك جميله وقويه


تحياتى

amirelhob يقول...

انا طبعا واكيد لو قولت على البوست جميل ابقى كداب كبير ولو قولت راى ابقى منافق لان ببساطه مفيش كلمه هتعبر عن قد ايه البوست جميل وقد ايه المعانى فيها ناقيه اوى وصافيه ومعبره ودقيقه للدرجه دى

اول زياره ليا يا رب مبقاش ضيف رخم وان شاء الله مش هتبقى الاخير دا طبعا بعد اذنك

من قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

ســـهــــر يقول...

حبيبه قلبى ودنيتى كلها أحلى نوفا فى الدنيا انا أسفة اوى انى تأخرت فى التعليق عندك يا أنـــــــــا
مش هقولك البوست عجبنى اد اية وازاى لمستينى بكلمات أقل ما يقال عنها أنها رائعه
أستمرى فقلمك يعبر عما بداخلى كثيرا

وربنا يوفقك يا قلبى وبوسيلى لى لى أوى

نهر الحب يقول...

نورتى يا نيفى اتمنى اشوفك تانى

تصدقى معرفتيش ان انتى غير الوقت ؟
ههههههههه

NeVeN يقول...

امراة من ثلج

سلامة قلبك من الحزن يا رب
وميرسى على الكلام الحلو دة

مساءك فل

NeVeN يقول...

emymony

اهلا بيكى نورتينى

انتى اللى جميلة
يمكن عشان الكلام لما بيكون من القلب بيوصل بسرعة
وشرغتينى وياريت متكونش الزيارة الاخيرة

NeVeN يقول...

مها
نورتينى يا قمر انا اللى اتشرفت بمعرفتك
واكيد هتتكرر الزيارات
وانا كمان ضيفت مدونتك عندى

وان شاء الله فى افراح كتير فى بوستات جاية الدنيا مش كلها حزن ولا فرح كدة وكدة

مساءك فل

NeVeN يقول...

ليلة شتاء

ربنا يكتبلك ويكتبلى السعادة يارب
ميرسى على كلامك الجميل دة
شرف ليا يا جميل انك تضيفينى عندك

وجميلة اوى كلمة قلمك الباكى
هستناكى مرات كتير تانى تنورينى

تحياتى

NeVeN يقول...

ضيا
ازيك
تراجيدى تراجيدى انا:)
اهم حاجة يكون عجبتك الفكرة
وتم التنفيذ


منورنى

NeVeN يقول...

Tamer Nabil
اهلا بيك

اكيد الذاكرة مفيدة هو احنا ايه من غير ذاكرة و حاضر

NeVeN يقول...

لاسع افندى

انت اللى تواجدك
اجمل اشكرك على كلامك ومتابعتك

NeVeN يقول...

amirelhob
اولا اشكرك على كلامك الجميل
اسعدنى كلامك جدا ولكن نيجى ايه بس فى بوستاتك الجميلة

وثانيا
انت مش ضيف تثيل ولا اى حاجة انت صاحب مكان


وشكرا اوى على دعواتك الجميلة اللهم امين يارب

مساءك ورد

NeVeN يقول...

سهوووورة احلى اخت وكل حاجة فى الدنيا

بحمد ربنا انك اخيرا رجعتى للتدوين من تانى بعد غياب

وربنا مبحرمنيش منك ولا من قلبك الطيب ياااااااارب

وبوسة كابيرة اوى ليكى ولمشموشى

NeVeN يقول...

انوسة القمر

ازيك انتى يا حبيبتى
انا بجد اتشرفت بمعرفة بنوتة جميلة زيك بجد يا انوسة انتى صحبة خير

ربنا يديم الحب والخير بينا
وانا طلعت انا اهو نعرف بعض من قبل القاء
ههههههههههههههه

نورتينى يا قمر