الأحد، 14 مارس 2010

اللقا نصيب ودة كان احلى لقاء
















يا فتاح يا عليم يا رزاق يا كريم 

هنبدء الحكاية بس بعد منرش  قدام المدونة مية

ونأكل القطة اللى نايمة فوق دى بدل ما تموت من الجوع


بجد انا قضيت يوم من احلى ايامى
فى الاول ايناس نهر الحب كانت منظمة لقاء لمدونى بورسعيد
فضلت زى العيلة الى ملهاش كلمة من يوم الخميس بليل  
بسبب ان لارا ست الحسن والجمال كانت تعبانة شوية
عقبال عندكم بيطلعلها شنان

هههههههههه


المهم اصلا منمتش خالص بسبب زن طوووول الليل

وجت الساعة 10 و جت 11 والهانم مصحيتش
قولت خلالالالاص اليوم اتضرب ومش هروح وهطلع عيلة مع الناس

كلمت ايناس نهر الحب اعتزرلها وانا بقولك يا ايناس انا اسفة يا بنتوتة انتى عشان قولتلك ايون يا مدام ايناس

ههههههههه قولتيلى لالالالالالالالالالا انسة

ههههههههههههه

واول ما قفلت ايناس لقيت البشرررررى جت

لارا صحيت هييييييييه وبتزن كمان هيييييييييييييييه


هروح هروح لبست زى الصاروخ اول حاجة جت فى ايدى

وطيرررررررررررررران على هناك وانا مكسوفة وفى ربع هدومى انا معرفش حد يا ناس

بم انى جديدة فى التدوين


اول ما وصلت مفييييييييييييش حد قدامى طيران اتصلت بايناس تعالى خدييييييينى
وجت البنت كتر خيرها جت اخدتنى اصلهم كانو اعدين فوق عند الشمس

وعرفتنى على كل البنات واحدة واحدة اصل الشباب كانو بيصلو الجمعة اتعرفت على ناس زى السكر 
 كانت حفلة جميلة اوى واطفال مدرسة التنمية الفكرية كانو مبسوطين اوى كانت فرحتهم اجمل حاجة 
فى اليوم كله الخير بجد بيدى احساس بالرضا عن النفس جميل ومختلف بجد محسناش انهم مختلفين او ناقصهم حاجة
زيهم زى اى طفل فى سنهم  
والدى جى كان تحفة وفقرات العرايس كانت حلوة اوى وعجبتنى مووت بس انا زعلت عشان مشوفتش عرض العروسة الاخير لانى مشيت بدرى عشان معاد الدكتور امانة عليكو يا جماعة اللى عنده اى فيديو صور للعرض دة يبعتهالى فوووووووووورا


الموجودين اللى اتعرفت عليهم
اسراء  الهادية البشوشة ام وش جميل صاحبة مدونة لوست برينسيس
كانت بجد بنوتة عسولة من بورسعيد هى
وداليا اهو دة عيبه هى واختها دعاء ريع ضارب
الاتنين مااشاء الله عليهم العقل كله والثقافة عارفين تاريخ بورسعيد كانو بيقولولى معلومات حلوة اوى عن بورسعيد
واتفقنا اننا نتقابل مع بعض فى اوقات اجازاتهم

وفاتيما روح قلب ماما
انا كان نفسى اشوفها من زمان بجد الانسانة دى الحنية هتنط من عينيها عسولة اوى و ليها حضور جميل تحس انك تعرفها من زمان من وانت لسة بتسلم عليها استغربت منى اوى لما قولتلها انى بتابع بوستهاتها ومدونات تانى من سنتين فاتو ولسة عاملة بلوج من شهر 
هههههههههههه قلبى اسود انا مش كدة  

والعسولة ايناس طفلة مش عاوزة تكبر بجد ضحكتها ضحكة طفلة حتى وهى بتلعب مع لارا انا كنت متخيلاها بنتوتة صغنووووووووووونة اوى طلعت ست البنات وخالتها السكرة سومة عسولة اوى وهادية اوى ونفسى تعملى مدونة يا سوومة بقا
عشان نرغى مع بعض

و احن ماما فى الدنيا ماما امولة انتى بجد حنينة اوى ومحترمة اوى يا ماما امولة اول ما اتكلمنا وعرفت انى وحدانية فى بورسعيد معرفش حد ادتنى ارقامها وقالتلى اى حاجة تحتاجبها كلمينى على طول ولو متدايقة تعالى نتكلم سوا ونخرج مع بعض ياسلام على صوتك الحنين وكلامك الجميل وهدوئك و حنانك وانتى شايلة لارا وبتلعبيها  كنت مبسوطة اوى بمعرفتك 
بجد ماما اول مقولتلها عليكى يا ماما امولة ددعيتلك كتيييييييييير اوى 


وصاحبة العيون الجميلة سارة صاحبة مدونة محاولات البحث عنى
بجد بنوتة قمر وحبيتها اوى نفسى اشوفك تانى يا سارة  حسيت انى اعرفك من زمان لانك شبه واحدة صحبتى اوى اوى


وليساندرا الجميلة الرقيقة اللى مكانتش عاوزانى امشى اتشرفت بيكى يا جميلة وياريت تسيبيلى عنوان مدونتك عشان مش عارفة اوصلك عاوزة اتكلم معاكى كتيييييير يا اجمل بنات دمياط زى ما الكل قال عليكى

ونوران صاحبو مدونة بت خيخة واى كلام متكلمناش مع بعض غير قليل اوىان شاء الله نتقابل تانى وابنها شريف القمر ربنا يحميهولك يارب سكرة طالع لمامته لعب مع لارا كتير وهى حبته اوى

وشفقة واحسان الناس المحترمة اللى دمهم خفيف اوى ولذاذ اوى كان نفسى نتكلم كتير لكن الوقت مسمحش اكيد هنتقابل تانى 

واستاذ خالد صاحب مدونة همس الاحباب  راجل محترم اوى ربنا يخليلك همس وشابى يارب وتجيبهم معاك المرة الجاية وتعرفنا عليهم

ووليد النساى صاحب مدونة هى وظروفها  دمه خفيف اوى اللى زعل لما قولتله انى كنت فاكرة مدونة هى وظروفها بتاعة  بنت وانا اسفة يا وليد متزعلش بس انت فهمت وجهة نظرنا


وضيا الهادى اللى لارا حبته ووقعت فى غرامه من النظرة الاولى جريت عليه ومرضيتش تسيبه طول اليوم فعلا الاطفال بتتعلق بالانسان الطيب وخلاص بقا انا حجزتك للبنت وقولنا انت على متكون نفسك تكون لارا كبرت هههههههههههههه

ومسك الختام سكرة اليوم كله ايناس نهرالحب دى بجد بنت بميت راجل كانت منظمة اليوم حلو اوى مكانش ناقصة اى حاجة
وهى بجد عبت فى ايجاد المكان المناسب بتفوق انا شخصبا اتبسطت اوى انى دخلت الحديقة التاريخية لانها من اجمل الاماكن فى بورسعيد ايناس ربنبا يجعله فى ميزان حسانك يارب ويجعلك سباقة وسبب فى فعل الخير انا مش لاقية كلام يوفيكى حقك 
انتى عمدة مدونى بورسعيد يا قمرايا انتى
وانا اسفة لو كنت نسيت حد انتو عاررفنى جديدة وزاكرتى مش قوية اوى
بس اليوم دة كان جميل جدا واتكلمنا فيه كتير اوى وهزرنا كتير اوى اوى وحصلت فيه حاجات كتير اوى والناس اتبرعت بالى يقدرو عليه وكل الحاجات اللى المدرسة كانت محتاجاها الحمد لله ايناس بتقول جات كلها 


وفى الاخر اتفقت انا ومدونات بورسعيد اننا نتجمع كل فترة ونسال على بعض واخدنا ارقام بعض
ولمعلوماتكو انا كنت رايحة على اساس انى اروح اسلم وامشى على طوووووووووول لانى كنت مكسوفة اوى وقولت دى بالكتير عشر دقايق ربع ساعة والربع ساعة انتهت ب 3ساعات ونص
ههههههههههههههههههههه
شوفتو بقا كانو ناس جميلة ازاى وقعدتهم ميتشبعش منها












واجمل حاجة انى من ساعة مرجعت البيت انى عمالة اغيظ فى سهر صاحبة مدونة ساسوو كافيه عشان مجتش
والمرة الجاية بقا اللقاء عندى بس فى الغردقة 3 ايام بلياليهم 
ههههههههههه
متنسوش بقا


والى هنا انتهى البيان
والجاى بينا بقا بوستات وكومنتات
وحلويات وجاتوهات
وللبنات وردات وفلات
وللشباب احلى سلامات وشيكولاتات



سلام

37 اللى صبحو ومسو:

أمل حمدي يقول...

صباح الفل يا أم يارا يا عسل

أنا اللي سعيدة جدا بالتعرف عليك يا حبيبة قلبي وأنا زي ماما فعلا في أي وقت تكلميني ولو عايزة أي حاجة برضه تقوليلي
بجد أنا حبيتك زي بنتي ربنا يصلح حالك يا رب

سلامة يارا ألف سلامة ويارب تكون بقت كويسة ها أبقى اطمن عليها

سلام يا فينا يا جميلة

فاتيما يقول...

نيفي ى ى ى ى


ازيك يا حبيبتى

بتحبى فيروز

يخربيت كدا

و كمان مسمية المدونة صباح ومسا

دى اغنية حياتى يا بنتى


لأ

انتى خلاص بقيتى ف القلب و مش هتتعتعى منه أبدااااااااااااا


انا اللى فرحانة انك جيتى و اتشجعتى و ان اليوم عجبك و انبسطتى

المرة الجاية ان شاء الله تشوفى اسامى اكتر من اللى تعرفيهم
منتى بقالك سنتين يا بنتى يعنى عارفة ناس كتيييييير اهو
بس فى الخباثة ...سنتين يا مفترية؟!!!


سلامة لارا الف سلامة
طمنينا عليها

المدونة لطيفة قوى
مش هتكلم عن صور فيروز عشان انتى اكيد فاهمة بقى
لكن كمان القالب بتاعها رقيق قوى
شبهكك جدا

انتى حد جميل قوى و برىء قوى
و انا اتشرفت بمعرفتك قوى
و جمال اللقاءات دى انها فيها خير كتييييير بيتعمل
سواء خيرى او على المستوى الإنسانى
بمعرفتنا ببعض و قربنا من بعض و طبطباتنا على بعض

ربنا يحرسلك لارا من كل شر
و تخاويها بقى بسرعة

بوسات و حضونات يا حبيبتى

فاتيما يقول...

و كمان قطط و شيرازى

انا كمان عندى قطقوطة كدا

لأ مينفعش الكلام دا

و مشغلة فيروز يا خراااااااشى

نيفى

انا بحبك قوى يا بت انتى

adel يقول...

كان المفروض اجي بس النصيب
يلا تتعوض
بس مدام ماما فاتيما قالت عنك كلام جامد كده
يبقي دخلتي الموسوعة :)

مهموهة أحمد يقول...

نيفيـــــن ............
ايه اللقاء الجميل ده يا قمر
بجد يوم كان جميل و عيشتيني فيه بجد
و خليكم كده اعملوا لقاءات من غيري و ساعتها هتندموا بجد
هههههههههههههههههههههههه
و انا ناوية اجي اللقاء بتاع الغردقة ده علشان أغير جو
هههههههههههههههههههههههههه
و انا يا ستي المرة اللي جاية هعزمكم تقضوا شهرين عندي في الامارات علشان اللقاء اللي جاي
ههههههههههههههههههههههههههههه
شوفتي بقى يا ستي
اخر كرم اهو

ربنا يسعدك بكل الناس اللي عرفتيهم و يكونوا اخوات ليكي و لينا بجد

سعيدة اوي بيكي يا نيفين يا عسل

خالص حبي و تقديري ليكي يا قمرايا

ليله شتاء يقول...

السلام عليكم
بجد كان نفسى أكون معاكم أوى وأشوف البنوته اللى بطلع سنان دى
ربنا يخلهالك

دمتى بحب وسعاده

ســـهــــر يقول...

أأأأأأأأأأة يانا منك
بصى انا فاتنى تلع تربع عمرى يا نوفا
بجد والله كان نفسى اجى بس الله يسامحه الشغل بقا :(( وش متشحتف من العياط

وازاااااااااى تشوفى ماما أموله وفاتيما والناس السكرة دى وانا لا ؟؟؟؟؟؟؟؟

يرضى مين دة ياناس
الناس دى اللى هموت واشوفها من زمن
يلا ان شاء الرحمن هنتقابل اكيد

ومبسوطة انكم اتبسطتو واتعرفتى على احن واحسن ناس فى الدنيا
ربنا يجعلها معرفة خير عليكم جميعا يارب

ولارا بتسنن تراباتاتيييييت
وحشتنى اوى بوسيهالى كتير وبوسيلى نفسك لحد مشوفك
فى رعاية الله

NeVeN يقول...

ماما امولة
لا انتى مش هتبقى سعيدة ادى اناسعادتى بيكى اد الدنيا كلها وربنا يديم المحبة بينا يارب وان شاء الله قريب نتقابل تانى والصيف كمان جاى و تروح البحر سوا ههههههههههههههههه

الله يسلمك لارا هانم كويسة بس انتى عارفة السنان بقا
وبووووسة كبيرة ليكى ولاولادك
مساءك ورد وفل وكل الحاجات الجميلة

NeVeN يقول...

فاتيما هنا

يادى النور يادى الهنا
اويك انتى يا تومة يا جميلة انتى
اه بحب فيروز موت موت والقطط انا عندى قطة قمررر هبقا اوريكى صورها بس هى قطة ولد

ول يا ول بقيت فى القلب انا ومش هتتعتع ابدا ابدا
انا مفترية خالص وسوسة بتالع من زمن الزمن فى منتهى الهدوء

واكيد ان شاء الله هبقا موجودة فى اللقاءات الجاية ان شاء الله

اما بالنوسبة ل لارا هى الحمد لله بقت احسن شوية واشقى كمان
بصى بقا انا مش اد كلامك الجميل دة انا كدة هتغر فى نفسى خالص هههههههه

وياستى اعتبرى القالب والمدونة تحت امرك لما تحتاجيهم خديهم ههههههههههههههه

بس كله الا صور فيروز مقدرش استغنى عنهم ابدا

ربنا يخليكى على كل الكلام الجميل اللى قولتيه دة انا بجد اللى بحبك اوى من قبل مااشوفك كمان

كل الورد اللى فى الدنيا ببعتهولك يا حبى وبوساااااات كتير وحضونات اكتر

مساءك سكر

NeVeN يقول...

عادل
بجد انا كان نفسى تيجى
عشان نتعرف على السينمائى الشطور و اللى ان شاء نتجمع فة الخير دايما و اتبسطت اوى عشان دخلت الموسوعة
ههههههههه


مساءك ورد

NeVeN يقول...

مهموهة
اللقاء كان هيبقا اجمل لو كنتى موجودة يا قمر
انتى بقا تنورى الغردقة كلها وتعالى بجد انا هستناكى نتفسح سوا
انا نفسى بقا اجى لقاء فى الامارات اعتبرينى اول المعازيم ههههههههه

انا بجد سعيدة بالكلام الحلو دة كله

وانا كمان بحبك اوى

تحياتى ليكى

NeVeN يقول...

ليلة شتاء

ملحوقة يا قمر نعمل لقاء ونتعرف اكتر

وتشوفى الشقية الصعنونة وتعضك كمان بالسنان الجديدة



تحياتى ليكى

NeVeN يقول...

سهورة

هههههههههههه
احسن احسن انك متغاظة بموت فيكى وانتى متغاظة
معلش بقا لشغل واحكامه
اول مشوفك هحكيلك على كل اللى حصل عشان اغيظك اكترررررررررررر

وهتتعضى يعنى هتتعضى
ههههههههههههههههه

بوووووووووسة كابيرة اوى ليكى وحضن كمان يى هيصى بقا

سمع هوص (Abo 3li) يقول...

كان نفسي اقدر اجي... تتعوض

NeVeN يقول...

ابو على

المرة الجاية لازم تيجى
متقولش ظروف
محدش هيسامحك لو مجيتش وفى لقاء تانى قريب ان شاء الله

مساءك فل

سمع هوص (Abo 3li) يقول...

اكيد هيبقي شرف ليا... ان شاء الله

NeVeN يقول...

منتظرين يافندم
بس كل الناس تحدد المعاد والمكان
ونتشرف بمعرفة حضرتك

تحياتى

Diyaa' يقول...

والله أنا مقتنع بالعافية إنك أم لارا :)

فكرتك أختها ..مبروك عليكي المكاسب العديدة من اليوم :) والمرة الجاية ميبقوش 3 ساعات.يبقوا 9..8

ومبروك على لارا السنة ومعلش كل حاجة ليها وجعها :) علميها تستخدم الفرشة أول ما تكمل طقم السنان بقى

محبش عروستي تروح لدكتور السنان

أنا بقولك أهو :)

نورتي بورسعيد ومتشكر لمجاملتك ونشوفك على خير تاني ...مع لارا اللي بتفرقع البالونة وبعدين تعيط !!


والسلام ختام :)

رحــــيـل يقول...

نيفييييين

ازيك ياجميلة عايزه اقولك انى اتصدمت لما عرفت انك ماما وعندك بنوته انتى شكلك صغيوووره قوى ولما جيت هنا لاقيتك 22 سنة بس صغيره برده

انا سعيده انى شفتك انتى و لارا سلمى عليها وبوسيها كتيييير جدا

وبعدين هى سنها مناسب لضياء جدا انا اضمنلك ان مش هيتجوز الوقتى ويستناها اصله عامل اضراب وكان راسم على بنتى اللى فى علم الغيب بس طالما لارا موجوده مافيش مشكله زى بنتى برضه
انا اطول اصلا يبقى عندى بنوته كده رربنا يحميها ويخليها ويفرحك بيها يارب
واشوفك دايما على خير

Lyssandra يقول...

مساء الخيرات :))
انا جييييييييييت أخيراً :)))

...

مبسوطه بجد اني اتعرفت بيكي يا نيفين
وميرسي ذوقك ورقتك :)

وان شاء الله نتقابل تاني كتير
بس يا ستي المرة الجايه عندنا احنا في دمياط ولازم تيجي ان شاء الله
الطريق مش طويل والمكان مش هايتوّه ولما نتفق ان شاء الله قولي انتي بس هاجي وانا اجي أخدك من بورسعيد أصلاً
ههههههههه

...

الصور عندي كتير
سيبيلي ايميلك ع الهامش في رساله انا عامله موديريشن عشان ابعتهوملك
وعشان بردو نرغي كتير :))

...

سلمي علي لارا بقي
وان شاء الله المرة الجايه تكون معانا بردو :)

سلام

Lyssa

Unknown يقول...

:)
بجد انا مبسوطه اوي اني شفتك واتعرفت عليكي
اليوم فعلا كان حلو اوي
ولارا اصلا زي السكر ماشاء الله عليها
وان شاء الله نبقي اصحاب ياحبيبتي

Unknown يقول...

ازيك يا قمر
يارب دايما منورنا بتواجدك انتى والقمرة لارا
ويا ستى انا ابدا معملتيش حاجة والله دا فضل الله وجهود مشتركة مع ماما امولة ومدونى بورسعيد
الشكر الحقيقى والفضل كله لله عزوجل
ربنا يقدرنا بس
وان شاء الله نتقابل دايما على خير
واتمنى بجد اننا نتواصل ونخرج سوا
وزى ما قالت ماما امولة احنا هنا اهلك ولو محتاجة اى شئ احنا فى الخدمة بجد ههه بس متطمعيش ههههههههه
ربنا يديم الود والمعروف بينا يارب
وشكرا على الكلام الجميل
اما عمدة التدوين فهى ماما امولة
مش انا انا ممكن اكون شيخة البلدهههههههههه

NeVeN يقول...

ضيا
ايوة صح انا مامت لارا هانم خرج النجف
وبجد انا المرة الجاية هقعد لاخر اليوم
و العروسة متخافش هتروح مرة واحدة بس لدكتور السنان مش هتكررها تانى

ههههههههههههه

لارا فعلا فرقعتلها يمكن 3 بالونات لوحدها
اللى انا نفختهم بقا

انت اللى نورت بورسعيد كلها


اتشرفت بيك اوى يا ضيا

NeVeN يقول...

رحيل
بوسة كابيرة ليكى
انا حكيتلك على اللى فيها انتى عارفة
انا ماما مش زوغنونة اوى يعنى نث نث

وبالنسبة بقا ل لارا اعتبريها بنتك اللى كنتى هتجوزيها لضيا ونبقا حمواته احنا الاتنين انتى شوية وانا شوية

مساءك كراميل

NeVeN يقول...

ليساندرا

انا رقيقة ؟؟؟؟؟؟

امال انتى تبقى ايه بقا ؟
المادة الخام من الرقة؟؟
انا مبسوطة بيكى اكتر
وان شاء الله اول مرة هروح فيها دمياط هكلمكم كلكم كلم واشوفكم

وميرسى يا قمر على الكلام الجميل بس انا عاوزة اقولك على حاجة انا مش عارفة اسيب الميل بتاعى فين عندك؟
اتصرفى انتى بقا انا عاوزة ارغى معاكى ماليش دعوة

ابقى خديه من رحيل هى عارفاه



ومساءك احلى من السكر

NeVeN يقول...

اسراء اهلا بيكى يا قمر الحند لله اديكى عرفتى العنوان اهه
يارب متنسيهوش تانى بقا

انا بقا اللى سعيدة بيكى ولارا انتى عارفة اتعلقت بيكى وحبتك

ان شاء الله نتقابل قريب

مساءك فل

NeVeN يقول...

انوسة
ايه النور دة كله
ربنا يقدرك وتجمعينا دايما فى الخير
ويكتبه ليكى فى ميزان حسناتك
انتى بجد بتقللى من عملك بس احنا كلنا عارفين انتى عملتى ايه وتعبتى اد ايه
معلش بقا كله يهون قصاد الاحساس الجميل اللى بنحسه واحنا مع بعض

وبالنوسبة للتواصل والخروج سوا
دة اكيد انتى عارفة رقمى ووقت متفضى ادينى الوهات ونتقابل على طول
وانا بقا طماعة بس كدة انا مصدقت سمعت الكلمتين دول لو عاوزة كيس ملح هقولك اجيبه منين

هههههههههههههههههه

ربنا يكرمك يارب انتى وماما امولة

وماما امولة خلاص بقت العمدة وانتى الشيخ

ههههههههههههه


مساءك سكر

هراء لا داعى له ..... يقول...

هو المنظر الرائع إللى فى الصورة دى

فى بورسعيد ؟

طوبه فضه وطوبه دهب يقول...

ربنا يكرمكم ياقمر ويقدركم على فعل الخير وتجتمعوا ديما على الحب والخير

NeVeN يقول...

هراء لا داعى له .....

ايوة يا افندم المكان الحلو دة فى بورسعيد

وفى كمان اماكن احلى كتير

اهلا بيك

NeVeN يقول...

طوبة فضة وطوبة دهب

امين يارب
ربنا يسمع منك
نورتينى بوجودك عندى

مساءك ورد

P A S H A يقول...

يا صباح الأنوار

هو أنا في الواقع .. ممممم .. تقريباً .. متهيألي اتشرفت بحضرتك :))

بأمارة أما قلت لك إدوا كل واحد فينا عشرين جنية واحنا نجيب الأكل اللي على مزاجنا ههههههههههه
وأنت بصراحة وصفتي لي منطقة العرب عشان ننزل نتغدى فيها سمك .. صح ؟

:))

ربنا يا رب يجعل هذا اليوم في ميزان حسناتك ودايما متجمعين في الخير إن شاء الله .

تحياتي
:))
سلام

جنّي يقول...

السلام عليكم

ربنا يتقبل منكم ويرسم البسمة على شفاهكم كما رسمتوا على شفاه هؤلاء الاطفال ..

واثابكم الله الجنة ..

تحيتي

NeVeN يقول...

باشا
ازييك
انا اللى اتشرفت بحضرتك
ايوة بامارة العشرين جنيه
والسمك الا صحيح اشتريتو سمك ولا سمعتو كلام فاتيما ومجبتوش؟؟


ههههههههه
ربنا يبارك فيك يارب ويقدرك على فعل الخير

مساءك ورد

حامد برهام يقول...

واضح انكم انبسطم واني كنت فاهم معني التدوين غلط

NeVeN يقول...

حامد
اولا اهلا بيك

ثانيا بقا بجد اتبسطنا جدا بتجمعنا سوا مع بعض و احساسنا باننا كنا سبب ولو صغير اننا نفرح الاطفال اللى كانت موجودة


ولا يا فندم حضرتك مش فاهم التدوين غلط
هو بس اجمل ما فى التدوين انك بتقابل ناس جميلة بتتعرف عليهم

NeVeN يقول...

جنى

امين يارب
ويسمع منك ربنا

ميرسى اوى على الدعوات الجميلة دى

نورتنى بزيارتك