الأربعاء، 17 مارس 2010

حديث الصمت




انا من لا تعرف معنى الكلام
وتجيد لغة الصمت 
تصمت فى صمت 
وتتحدث فى صمت

براها بحر هادى وجواها فيضان
بين قطراته شطأن امان

تحيا على جزيرة مزدحمة
تحسبها لها سكن ورحمة

تميل مع نسمات  السكون
وتصمد امام اعاصير الجنون

تتألم بابتسامة
وتفرح بابتسامة

تخاف دوما من الاتى 
فياتى بما تخاف منه

ترى  الاخرين اوفياء
ونفسها من تقترف كل الاخطاء

لا تقوى على  كبت الاحلام
فاصبحت لاتحلم حتى لا تجنى المحال

تتهاون فى حقوقها
و تتقيد بحق الاخر

تقرا افكار غيرها 
ولا تقوى على التقرب من نفسها
فغتحزن فى صمت 
الم اقل لكم انها لا تجيد الا لعة الصمت

48 اللى صبحو ومسو:

سمع هوص (Abo 3li) يقول...

"تتألم بابتسامة وتفرح بابتسام"
دي اصعب اننا نضحك واحنا من جوانا بيصرخ...

بجد حلوة اوي ... تسلم ايدك..

صباحك شيكولاتة بالمكسرات

سمع هوص (Abo 3li) يقول...

اول تعليق... انا العاوز شيكولاتة

ليله شتاء يقول...

السلام عليكم
ممكن يكون الصمت أقوى فى التعبير عن الكلمات لان لغه الكلام مش دائما بتخرج مشاعرنا اللى عيشنها فما أروع لغه صمتك


************
أزى البنوته الصغنونه ربنا يكرمك فيها ويخلهالك

*****
دمتى بخير وبقوه أبداعك

Unknown يقول...

اية كل الحزن دا يا بنتى
حزن وخوف من الناس والمستقبل
..
الصمت احيانا كتير بيكون اقوى وابلغ من الكلام لكن لا تكبتى مشاعرك فتضجرى بها وتتألمى عبرى عن نفسك مع من يستحق

تحياتى لك ولقلمك

Unknown يقول...

نفين
صحيح انتى عندك قطة؟؟

اصل انا عندى ميشو على وش زواج وبدور له على بنت الحلال

عارفة لو كان عندك
دانا هعمل فيكى حما هههههههههههه

sony2000 يقول...

تتألم بابتسامة
وتفرح بابتسامة

تخاف دوما من الاتى
فياتى بما تخاف منه
بجد كلمات رائعه
جدا
تقبلي مروري وتحياتي

اقدم عاصمه فى الحب يقول...

السلام عليكم

انا من لا تعرف معنى الكلام
وتجيد لغة الصمت
تصمت فى صمت
وتتحدث فى صمت
.
وجع الصمت اغرب الاوجاع واقساها
ولكن الكلام احتراف فى الوصول الى الراحه
ليتك تحترفين راحتك
.
تقبلى مرورى
وودى واحترامى :)

adel يقول...

صباح الناس اللي ساكتة :)
تاني حد الاقيها النهاردة صامت كده :):)

بس الصمت كتير افضل من التفوة باي كلام

Unknown يقول...

:(
ماينفعش تسكتي
لازم تقولي اللي جواكي
لازم تتكلمي

إمرأه من ثلج يقول...

ما احلى لغة الصمت

حبيبتى نفين الصمت بفيد فى أحيان كتير

وبيبقى أحسن من الكلام

بس بتيجى علينا أوقات نبقى محتجين نكلم وحد يسمعنا

تحياتى لك ولقلمك الرقيق

micheal يقول...

الصمت لغة الحكماء يا نيفين
:)
عجبتني كلاماتك
تحياتي

NeVeN يقول...

ابو على
اول تعليق و الشيكولاتة هتلاقيها دليفرى على المدونة بتاعتك

اما بالنسبة للالم اللى بابتسامة فهو اصعب تناقضات النفس


دايما منورنى كدة

و مساءك قهوة بقا المرة دى

NeVeN يقول...

ليلة شتا

وعليكم السلام ورحمة الله وبركاته

الصمت ابلغ لغة للحوار واجملها

ممكن تقدرى بصمتك توصلى احساس متقدريش توصيله بايام كلام


والبنوتة بتسلم عليكى
ربنا يخليكى يا جميلة انتى
ثانكس على الكلام الجميل دة

NeVeN يقول...

انوسة
الصمت مش لازم يكون حزن
ممكن كتير يكوت فرح اما انا شخصيا صمتى بيكون فى الحالتين

ونصيحتك هعمل بيها اكيد


اما بقا بالنسبة للقطط


ههههههههههههههههههههههه
عروسة مكنش يتعز يا روحى
احب اقولك انى عندى جاك (ولد )
واختى عندها مشمش (ولد بردو )


ولو تعرفى مكان عرايس بقا ايدى على كتفك بس اعملى حسابنا فى عروسة واحدة بس لمشمش

هههههههههههههه

NeVeN يقول...

سونى
اهلا بيكى اول زيارة منورانى اوى

هستناكى تانى كتير متتاحريش بقا

مساءك سكر

NeVeN يقول...

اقدم عاصمة فى الحب

احتراف الصمت اسهل من احتراف راحة الكلمات
فهو الاقرب فى التعبير عن المشاعر فى صمت
والالام فى صمت والافراح ايضا فى صمت

واتمنى فعلا احتراف الكلمات


اهلا وسهلا بيك

NeVeN يقول...

عادل
الصمت بقا موضة الايام دى
بدل ماتتعب نفسك بالكلام ومتلقاش اى نتيجة

خلينا ساكتين احسن يمكن ينفع


ومساءك رد

NeVeN يقول...

اسراء

والله بحاول يا حبيبتى اتكلم واقول بس مبيطلعش صوت

ولازم اكيد اكيد اتكلم بس لما يفيض بيا من السكوت


مساءك كراميل

NeVeN يقول...

فاطمة

فى اوقات الصمت بنكون مرتاحين اكتر
لكن وقت لما بيطفح الكيل ونقرر اننا نتكلم
مبنلاقيش حد يسمع


وحشتينى

NeVeN يقول...

micheal


صدقت فعلا لغة الحكماء والعقلاء
واللى مش عاوزين وجع دماغ


اهلا بيك منورنى

ســـهــــر يقول...

مساء الفل على الناس اللى ساكنة القلب مساء الورد على الورد يا ووووورد

نوفا انا قولتلك انى شفت البوست الساعه 7 ونص ؟ بس ملحقتش اعلق علية عشان كنت نازلة على الشغل ؟

المهم يا بنت الاية بجد كلامك جميل
وأحترت اخد اية اكتر حاجة عجبتنى لاقيتة كلة أجمل من بعض

بس لية بقا لغه الحزن دى ؟

كل دة عشان وحشتك ؟ ههههههه
ولا يهمك ياستى هاخد اجازة اسبوع واجى اقضيها معاكى ابسطى وهيصى بقا

بوسيلى نفسك من هنا ومن هنا
وبوسيلى لى لى كتييييير
وخدى بالك منك ومنها يا روح قلبى يا أنا
سلام

ســـهــــر يقول...

تعلييييييييييييييييقى راح فين ؟
يانوفا فين تعليقى ؟؟؟؟؟؟؟؟؟؟

انا كتبتة ومش لقياة
هزعل اوى لو كان راح

حدش شاف تعليقى ياناسسسسسسس

ســـهــــر يقول...

الحمد لله ظهر اهه
الواحد لازم يعلى صوتة ويتعصب عشان الناس تتعدل يعنى ولا اية ؟
بلوجر مبيجيش غير بالعين الحمرا صحيح
هههههههههههه
خلاص متزعقيش كدة انا ماشية اهه

فاتيما يقول...

تخاف دوما من الاتى
فياتى بما تخاف منه

عجبنى الجزء دا قوى يا نيفى

قوى كدا و بيقول كتير
و حاسة بيه قوى
لأنى عشت الخوف كتير
و دايما ماما كانت تقول
اللى يخاف م العفريت
بيطلعله


بس زى ما الكل سبقنى و اتفقوا تقريباً
على أن الصمت فضيلة

لكن مش دايما يا حبيبتى

لازم اوقات الواحد ينطق
و يتكلم
و يبوح

بس المشكلة مش ف الكلام

المشكلة فى اللى هيسمعه
حد يستاهل يسمع
و لا نسكت احسن بقى
لا نخاف و لا نقلق
و لا نزعل


بوست رقيق

شبههك يا نيفى

بوسيلى لارا قوى
اخبار سنة اولى تسنين ايه معاكى ؟؟

إيمان يقول...

جميل اوى كلامك وحزين جدا
بس حساه فعلا بس الصمت مش اجبار جواكى
غير ان تكون دايما سبب سعاده لناس حواليكى
يمكن كلامك يؤلمهم او يسبب حزن ليهم
اتمنى لك السعاده والفرح دايما
مع خالص حبى

amirelhob يقول...

بجد جميل اوى حديث الصمت جميل لما يبقى حديث افكار فى نفس الوقت وفكره تشد فكره وذكرى ترجعنا لذكرى حاجات جميله اوى بتبقى فى حديث الصمت ومش بس حديث الصمت بتبقى كمان لو بس لحظه صمت

بوست جميل جدا ورائع ومحتاج ميوزك كلاسيك وهو بيتقرئ بجد تسلم ايدك

ومن قلبى بتمنلك كل خيروسعاده وصحه وتوفيق وفرح وابتسامه تدوم يا رب طول العمر

ToTa يقول...

بجد يانوفا جاااامد اوى البوست ده انتى اصلا بتقولى كلام يمس القلب وحشتينى انتى ولى لى كتير جدا

مهموهة أحمد يقول...

يا لهوي يا نيفين بجد بوست تحفة تحفة تحفة

بس انتي بجد لو صامتة ما كنتيش كتبتي الموضوع ده

بجد حالة جميلة اوي و اغلب الناس الرقيقة بتعيشها فعلا
و صدقيني و الله يا نيفين الصمت اريح بكتير من الكلام في زماننا ده
بجد جميلة اوي عجبتني يا بنتي و الله

يا ريت لو هي فعلا مش خيال كتبتيه
يعني انك كاتباها عن نفسك بجد يا ريت تحطيها في اول المدونة يمين او شمال
في اي مدرج و خلاص
هههههههههههههههههههه

بجد جميلة يا اجمل جميلة

خالص حبي و تقديري ليكي يا اغلى نيفين

طلباوي يقول...

هذه أول زيارة ليه في مدونتك الرائعة

تقبلي مروري

تحياتي

Tamer Moghazy يقول...

"صباح ومسا..
شيء ما بينتسى..
تركت الحب..
واخدت الأسى.."

دي اول حاجة جت في بالي وانا بقرأ عنوان مدونتك..دخلت لقيت فيروز بتشدوا باجمل الحانها..وكمان قطط من اللي انا بحبها قووووي..
جو المدونة حلو والصمت ابلغ لغة حوار لمن يجيدها :)

لــــ زهــــــراء ــــولا يقول...

ترى الاخرين اوفياء
ونفسها من تقترف كل الاخطاء


لا تقوى على كبت الاحلام
فاصبحت لاتحلم حتى لا تجنى المحال


تتهاون فى حقوقها
و تتقيد بحق الاخر


تقرا افكار غيرها
ولا تقوى على التقرب من نفسها
فغتحزن فى صمت
الم اقل لكم انها لا تجيد الا لعة الصمت



" والله تحففففففففففة ..بتفكرني بيا بالضبط ..خلتيني اغوص داخل الكلمات وارددها بداخلي في صمت برافووووووووووووووو"

NeVeN يقول...

سهورتى
والله بتقولى فيها وحشتينى موت

ولغة الحزن بقا مطلوبة ساعات عشان نفكر ازاى نفك من الملل اللى فينا بس بسكوت

و عارفة انا بتموتى فى اى حاجة بتحكى عن الصمت والهدوء



بحبك اوى
ووحشتينى اووى
ومفتقداكى اوى اوى اوى

NeVeN يقول...

فاتيما

تصدقى فعلا ان اللى بيخاف من العفريت بيطلعله لانى على طول اكون خايفة من حاجة تلاقيها هى تحديدا اللى بتتحقق

سبحان الله

وبعد الشر عليكى من احساس الخوف
وانتى حطيتى ايدك على الجرح
نجيب منين حد يستاهل يسمع كلامنا ويدينا اهيميه ويحسسنا ان اللى بنقوله مهم مهما كان تافه


وحشتينى
وكل سنة وانتى طيبة يا احن فاتيما فى الدنيا

ولارا الحمد لله تمام بس مش اوى
شبه انها منعت الاكل بس عايشى على العصاير بس
ههههههههههه بتعمل دايت
ههههههههههه


مساءك فيروزى

NeVeN يقول...

مونى

ميرسى على الكلام الجميل
بس فعلا الصمت مش اجبار لكن نوع من محاولات لراحة النفس من اعباء الايام

وميرسى على الدعوة الجميلة دى
يارب يجعلك ايامنا كلها افراح

مساءك فل

NeVeN يقول...

amirelhob
اهلا بيك
فى الصمت احلى حوار بين النفس والافكار والزكريات
بيرجعك لاحلى الاوقات اللى فاتت واللى عايشها

بيفكرك بامس الاوقات لصمتك ولكنك لم تفعل ويلومك على كثرة ثرثرتك فى اوقات كان يجب فيها الصمت



اول زيارة ليك منورنى اوى
ومنتظراك تانى كتير

مساءك افراح

NeVeN يقول...

توتة حبيبتى
وحشتينى يا مضروبة متحرمش من كلامك الى بيدينى زءة لقدام

يلا بقا قرحينى بيكى واكتبى حاجة عندك بقا يا ست المشاعر

بوسة ليكى يا قمرى

NeVeN يقول...

مهموهتى يا جميلة


انا رقيقة
ول يا ول

:)
بصى فعلا انا مش صامتة للدرجة دى
الا فى اصعب الاوقات
فانا كنت بدور فى زكرياتى عن شوية حاجات افتكرت موقف سكت فيه لايالم
اه ايام بجد والله حسيت فطلع بقا الكلام دة
بس مش كله يعنى واقع
وهشوف يمكن تطرقع فى دماغى كدة فى وقت ما واعمل زى مقولتى و احطه فى الصفحة الرئيسية



والله دايما منورانى يا مهموهة
وبتبسط اوى بتعليقاتك اللى بتعجبنى اوى
منحرمش من زوئك يارب

NeVeN يقول...

فلسطينى

اهلا بيك منورنى فى زيارتك الاولى ليا

يارب تكون عجبتك فعلا

منتظرة زيارات جديدة

NeVeN يقول...

Timo.


انا بموت فى فيروز وفى اغنية صباح ومسا
لانها بتجمع كم قطيع من التناقضات
وانا بقا بطبيعتى متناقضة
والقطط بقا ولادى

اتمنى فعلا تكون عجبتك المدونة ولو انها متواضعة شوية

اهلا بيك يا تيمة منورنى اوى

NeVeN يقول...

لولا وزهراء

اهلا بيكى
معلش بقا ياحبيبتى دهلتك فى مود الصمت دة غصب عنك نعمل ايه بقا مهو دة بقا الواقع اليومين دول صمت ولا مبالاة


منورانى اوى
فى اول زيارة ليكى عندى منتظراكم تانى
مساءكم ورد

Diyaa' يقول...

عاجبني السجع والتضاد
شكلك كنتي هايلة في العربي :)

بس معرفتيش توفقي أوي بين العامية والفصحى بس قربتي

أصلاً كتر خير مدرسين العربى بتوع التسعينات :) كان لسه فيهم الرمق

المهم نتكلم جد بقى :)


في كلمة قالها دكتور أحمد خالد توفيق :)
كانت عندي على الفيس بوء

المرأة الخيالية أو الحالمة _ دائماً وأبداً _ هي الجحيم ذاته .. لأنها لن تجد من _ وما _ تبحث عنه أبداً.. لن تجد فارسها المثالي _ ولا جنتها الأرضية _ وسوف تكتفي بتعذيب البائس الذي رضيت به
بتصرف :) مني أنا طبعاً

الخلاصة منها إن الكائنات النادرة دي...بتنهك وترهق نفسها قبل غيرها
لأن للأسف الجنة مش في مجموعتنا الشمسية

والمثالية في أسطورة زي يوتوبيا مش في واقع صعب زي كوكب الأرض

من هن ( هم أحياناً برضه ) على شاكلتها ..من بنات حواء ( وولود آدم :) ) مش بس لهم الصمت
لأ لهم الله :) بمعجزاته بس هيكون ممكن لهم التعايش أو التكيف

حلوة الفكرة أوي يا من لا تعرفين معنى الكلام :)

ومتشكر أوي على كلمتك في التعليق

وتشرفونا بإذن الله بمقدمكم الكريم مع المبجلة لارا :)
أو تشرفينا حتى باللي تبعتيه من بورسعيد عموماً ولو الدعاء

وتحديداً لسكان مصر الأصليين على رأي بلال فضل
وهم كتير أوي
همتك معانا بقى
والسلام ختام :)

Lyssandra يقول...

مممم
صباح الخير يا نيفين :)

أحياناً الصمت بيكون أبلغ كتير من الكلام
ولو ان كتم الحزن وكتم الفرحه صعب

تعرفي لو الصمت عن قدرة ما بيبقاش مشكله
يعني لو قادرة تعبري عن اللي جواكي بس ساكته .. أحسن كتير أوي لما الواحد بيبقي نفسه يطلع اللي جواه بس مش عارف

....

تخاف دوما من الاتى
فياتى بما تخاف منه

___

عجبني الجزء ده
أصل أنا أستاذة في تحقيق النبوءات المشئومة :))

______________

ع الهامش :

لو عندك حساب علي فيس بوك ضيفيني عشان عاوزة أوريكي الصور
نجحت في إنشاء ألبوم والبنات اللي كانوا معانا يومها وصلوا للألبوم بالفعل :))
حاجه مخصوص يعني مش للنشر العلني :)

سلام

محمد التركى يقول...

السلام عليكم ورحمه الله وبركاته
الأخت الفاضله/ نفين
صاحبه المدونه الرائعه صباح ومسا
كلامك جميل جدا وأحساسك عالى
وأختيارك للكلامات راقى جدا
أعجبنى جمله
تميل مع نسمات السكون
وتصمد امام اعاصير الجنون
تتألم بابتسامة
وتفرح بابتسامة
شئ جميل كلام الصمت

فكرت كتير قوى وأنا بقرء البوست ده
هو فى حديث للصمت
لقيت الأجابه بين سطور كلامك الجميل

ربنا يوفقك وتكونى كاتبه جميله

تقبلى مرورى الأول وليس الأخير
بأذن الله
وانشاء الله يكون هناك تواصل مابينا

ودى وتقديرى لمشاعر رقيقه من أنسانه جميله مثلك

NeVeN يقول...

ضيا
ازيك الاول
كنت شطورة فى العربى؟
ايوة فعلا المدرسين بتوعنا فى التسعينات كانو اخر المدرسين الشاطرين مع احترامى لكل المدرسين
وكلمة د احمد دى بجد حقيقية وواقعة مليون فى المية لان محدش بيحس انه خد اللى يستاهله سواء فى عمل او حياة اجتماعية او اى حاجةتانية

ومعلش بقا انا مبفهمش فى التركيبات الفلكية انا اعرف ان برجى بيموت فى التضاد اتنين مش عاجبهم بعض فى معظم الاوقات

وبعدين شكر على ايه ياضيا بس دة اقل حاجة نقدر نعملها
واكيد لو جاه يوم 9 ولارا اتحسنت هتلاقونى قبلكم هناك با سكان مصر الاصليين


مساءك كراميل

NeVeN يقول...

ليساندرا الجميلة
وتعرفى بقا الاصعب انك لو بتسكتى بمزاجك
و عندك القدرة تقولى
ايه اللى بيألمك وحبيتى تحكى
ومتلاقيش حد يسمعك

و طلعتى زيي بتعرفى تتنبأى بالاحداث المشئومة بصرة اهه.....



وعلى الهامش بردو انا بالفعل عملت اضافة على الفيس بوك ومستنية الاكسيبت بتاعتك
ومش هتنازل عن ولا صورة حلوة من اللى بتصوريهم



مساءك سكر

NeVeN يقول...

محمد التركى
اهلا بيك فى زيارتك الاولى عندى
واكيد مش هتبقا الاخيرة
واللى بيكون اجمل من الكلام المعن هو المختفى او المجهول

للصمت سحر لا يستطيع فهمه الا من يتقنه


ميرس على الكلام الجميل اللى انت قولتله دة كله


تحياتى

Lyssandra يقول...

طيب الأكاونت بتاعك اسمه ليه يا نيفين ؟
وضفتي أي أكاونت من عندي ؟
انا عندي 3 :))

MONTY يقول...

سا الخير يا حليوه يا مودوخنى
ايه يا بت الكلام الجامد ده
تصدقى ان انا فعلا تنحت اوى وخصوصا عند
تتالم بابتسامه وتفرح بابتسامه
رووووعه يا نوفا
ويارب نشوفك فرحانه على طول من جوه ومن بره