الثلاثاء، 20 أبريل 2010

هكـــذا تــأ مرنا الذكــريات








اين الاعوام والسنين والايام
حتى تتوقف بى الساعات لتعيد ايامى معك؟

واين حسابات الكون والارقام و الاعداد
ليتوقف قلبى عند لحظاتك ؟

واين الكلام والحروف والحكايات
ليتوقف نطقى عند احاديثك؟

ولماذا تتوقف كل الاحداث 
ويتكرر يومى
وتتكرر سنينى
وتتكرر كلماتى
هل هذا يحدث بفعل فاعل؟
ام انه شىء غامض
هل هكذا تأمرنا الذكريات
فهل هى 
لهذا الحد تملكتها الانانية ؟
ان لانعيش الا على اوقاتها؟
ان لا يتغذى حاضرنا الا بقطراتها؟
فهل
تملكها الغضب لانها اصبحت شىء قد كان
مرت عليه الكثير والكثير من الاعوام؟

سحقا لهذه الذكريات
فلتكن كما تريد

فقد اصبحت اكثر منها انانية 
احب حاضرى 
احب اشيائى الحالية
احب احداثى 
احب حياتى بكل تفاصيلها
احب هدوء القلب 
وراحة البال
و احساس الرضا
وبطء الاحداث
و تشابه الايام

على الرغم من بلادة الحاضر وسخافته و كأبته

فقد اصبحت احبه اكثر من تلك الانانية

فويل لانسان يعيش على ماضيه
وينسى حاضره
ويرى جمال الماضى وينسى روعة الحاضر

30 اللى صبحو ومسو:

!! a7mad sala7 !! يقول...

اللــــــــــــه

بجد جميل اوى

واللى مزود جماله انه واقعى اوى

تسلم الايادى :)

القمرالباكي يقول...

السلام عليكم ورحمه الله وبركاته

فويل لانسان يعيش على ماضيه وينسى حاضره ويرى جمال الماضى وينسى روعة الحاضر

تسلم ايدك جميله
فالكل من الماضي والحاضر والمستقبل رونق واحلام وذكريات فيجيب ان نعيشها كما تستحق

دومتي بخير

سمع هوص (Abo 3li) يقول...

"فقد اصبحت اكثر منها انانية احب حاضرى احب اشيائى الحاليةاحب احداثى احب حياتى بكل تفاصيلهااحب هدوء القلب وراحة البالو احساس الرضاوبطء الاحداثو تشابه الايام"


مفيش احلي من حالة التصالح مع النفس... وحالة السلام النفسي مع الحياة...

جميلة اوي... تسلميلنا..

تحياتي

Ms Venus يقول...

فويل لانسان يعيش على ماضيه وينسى حاضره ويرى جمال الماضى وينسى روعة الحاضر



جميلة اوى يا نيفين


تسلم ايديكى يا قمر

تحية ليكى

NeVeN يقول...

a7mad sala7

اهلا بيك
و كويس ان البوست عجبك
ومنورنى والله


مساءك ورد

NeVeN يقول...

داليا
وعليكم السلام ورحمة الله وبركاته
ازييك وعاملة ايه ؟
صحيح الماضى والحاضر والمستقبل ليه رونق خاص بيه
بس مش معنى كدة اننا نمسك فى واحد بس ونعيش بيه


مساءك ياسمين

NeVeN يقول...

ابو على
ازييك
والله مفيش احسن من ان الواحد يتصالح مع نفسه عشان يقدر يتصالح مع الحياة وكل مافيها

مساءك فل

NeVeN يقول...

فينوس
ازييك يا حبيبتى
الجميل انها عجبتك
منورانى والله
وتحية كبييييييرة ليكى


مساءك كراميل

مهموهـــــــة يقول...

لا يا نيفين لا
ارفع لك القبعة و الله على البوست ده
مليان تعبيرات فوق الوصف و الله

ربنا يوفقك و يسعد ايامك كلها يا رب

فينك كده عاش من شافك بجد وحشتينا اوي
اوعي تكوني زعلانة مني و لا حاجة اصل مش بلاقيكي خالص و كمان بتتاخري على ما تكتبي الواحد بيقلق عليكي يا قلبي

لعل المانع خير يا رب

خالص حبي و تقديري

ليله شتاء يقول...

السلام عليكم
وحشتييينى ووحشتني بوستاتك وكلامك الجمييييل
الذكريات هى شبح الماضى في مستقبل مجهول


تحياتى لقلمك المبدع

كيكى عوووووو يقول...

ممممممممممممممم
انا حاسه انى اخدت الم كدة وفوقت
عوووووووو

Diyaa' يقول...

الأنانية بتلاقي مجالها في لحظات الضعف بس :)

وقانا الله وإياكم شرهاً :)

ازي لارا الطالعة لمامتها وأم لارا :)

هتزودي روعة الحاضر الجمعة الجاية وتنوري القاهرة ؟:)
ولا البعيد عن العين ؟:D

ســـهــــر يقول...

حلوة جدا جدا الفكرة يا نوفتى
بجد عجبانى واحلى ما فيها انها واقع ملموس
وحشتينى اوى

NeVeN يقول...

مهموهة

ثانكس يا قمر على الكلام الجامد دة
ومعلش بقا تأخير على سفر من هنا لهنا لهناك على دوشة لى لى
ان شاء الله غيبة مش هتتكرر تانى

وحشتينى انتى اوى

صباحك فل

NeVeN يقول...

ليلة شتا

انتى والله اللى وحشنى وجودك معايا
وكلامك الجميل ربنا ميحرمنى من الكلام الحو دة ابدا


منورانى دايما يا قمرايا انتى

صباحك كابتشينو

NeVeN يقول...

كيكى

كلنا بجد محتاجين مش الالم دة بس دة احنا محتاجين علقة عشان نفوق


صباحك ياسمين

NeVeN يقول...

ضيا
عاش من شافك
محتفى فين كدة


بجد والله يا ضيا انا نفسى ابقا معاكم بس المشكلة انى فى الغردقة حاليا
البركة فيكو انتو اد الدنيا كلها
ربنا يوفقكو جميعا

صباحك فل

NeVeN يقول...

سهورتى حبيبتى

انا عارفاكى بتحبى اى حاجة تنتمى للواقع ملكيش فى الخيالات بنوتة عملية انتى

هههههههه

بموت فيكى
وصباحك احلى شيكولا

طالبة مقهورة ..درجة أولى يقول...

:)

الذكريات بتحدث بفعل فاعل اكيد..هوا عقلنا بيفكرنا عشان حاجة غامضة..هوا كده الذكريات بتلخبط كتير

بس على قد ما لازم نعيش الحاضر لازم نخلي بالنا من ماضينا لانه ده اللي بيخلينا احنا

جميل اوي على فكرة البوست حسيته امتداد لفوبيا الذكريات

وماشاء الله مدونتك رائعة من تصفحي السريع لها

دمت بكل خير

لولا وزهراء يقول...

نيفين

حلوه اوى بجد

الكلمات فيها بساطه وعمق حلوين اوى اوى

اشعر فيها بتصالح جميل بينك وبين نفسك


المدونه كلها تحفه بجد
تسلم الايادى والذوق الجميل

مرايتى يقول...

بجد حلو قوى قوى البوست ده
ومعناه وصلى جدا

لأننا للأسف بنستسلم للذكريات وبنعيش عليها وللأسف ما بنستمتعش حتى بحلاوة الحاضر لأنه يستحق نعيشه

للأسف العيش على الذكريات يدمر كل ما هو أت

تقبلى تحياتى يا قمر

أحمد الصعيدي يقول...

الذكريات تحاصرني
كنيران حول مائدتي



هذا حال كل من يحن إلي ذكرياته


تقبل مروري الاول

السلام عليكم

إمرأه من ثلج يقول...

صباح الفل
صباح السكر

اجمل حاجة ان نحب واقعنا بكل الى فية

وحشتنينى انتى فين من زمان

تحياتى

had-befham يقول...

وكم احسنتى بكلماتك
فانسان يعيش على الذكريات هو انسان بلا مستقبل
تحياتى العميقه

NeVeN يقول...

طالبة مقهورة ..درجة أولى

طبعا الانسان لازم يفتكر ماضية ويعيش حاضره صح كدة

لكن ميعيشش فى الماضى بس
دة يبقا اسمه انفصال ارادى عن الحياة

ومنورانى جدا

مساءك فل

NeVeN يقول...

لولا وزهراء

ازييكم ياقمرات انتو
انتو اللى حلوين عشان شايفين كل الحاجات حلووة

مبسوطة ان البوست والمدونة عاجبينكو


منوريننى

مساءكم حب

NeVeN يقول...

مرايتى

والله عندم حق
بس فيها ايه لو نفتكر الماشى اوكى
لكن فى نفس الوقت نحاول اننا نعيش الحاضر باوقاته الحلوة والوحشه
كدة اكيد هيبقا احسن

اهلا بيكى فى زيارتك الاولى عندى

مساءك ندى

NeVeN يقول...

احمد الصعيدى

وصف حلو اوى
الماضى شأنه شان النار

فى المحاصرة والاحتراق

منورنى

مساءك ورد

NeVeN يقول...

امرأة

وحشتينى اوى
انتى اللى فينك بقا
معلش انا مش بعرف اتابعك كويس لان عندى مشكلة فى اضافة مدونتك بتيجى لكن مبتدخلنيش هحاول اصلح المشكلة

معلش ياحبيبتى

مساءك سكر

NeVeN يقول...

had-befham

اشكرك على الكلام الجميل دة
و الانسان خليط من الماشى والحاضر ليتكون مستقبله


منورنى

مساءك ورد