الجمعة، 18 يونيو 2010

عيـــــد ميـــــلاد ميــــــــــن ؟؟؟؟



ازييكم وحشتونى اوى
معلش بقا بغيب كتير انا
بس بقا المرة دى جاية و أيدى مش فاضية

النهاردة يا سادة يا كرام يوم اتولدت فيه البت الشقية امو نص لسان اللى مبتعرفش تقول حرف الراء
هههههههههههههه
 اللى انا بحبها بردو
البت الشطورة الجدعة اللى بتسمع الكلام لما كنا نقولها البنات الحلوين بيعملو كدة تقوم فورررريرة تعمل زى مبنقول


المهم بقا من غير رغى كتير مالوش لازمة النهاردة عيد ميلاد سهر صاحبة مدونة ساسوو كافيه
حبى الاول وقبل الاخير :))
ززززى النهاردة زى الشاطرة جت الدنيا من غير عياط ولا اى حاجة جت مستسلمة ومش بتقول غير واء واء

البت يا اخواننا قولت اجبر بخاطرها واروح اجيبلها هدية بينى وبين نفسى
افوجأ بقا انها جاية تقولى ايه انا قررت انتى هتجيبيلى هدية ايه
دى النيلة هو انا كنت نطقت ولا قولت انى هجيب هدايا انا
دة انا قولت بينى وبين نفسى كدة اجيبلها هدية بقيمة اتنين جنية بالكتير
والاقى دى تقولى من ضمن اقترااحاتها ايه
بقولك ايه بمناسبة عيد ميلادى خدينى اصبغيلى شعرى
هههههههههههههههههههه

حد قالك يختى انى فاتحة ابونيه فى الكوافير
ومش عاوزة صبغة بتتعمل فى البيت لا دى عاوزة من الغالية

وشوية تقولى فسجينى يوم كامل فى كل الاماكن اللى بحبها دة انا لو عملت كدة هفسحك ييجى 40 سنة

ومن ضمن طلبات الهدايا اللى المفروض انها موجهة ليا انها عاوزة تروح تصيف اسبوع فى اليكس
وانا مالى انا
انا ست بيت مسئولة مش فاضية للعب العييال دة
ثم انى مينفعش انزل بحر اليومين دول انا

اخر حاجة قررت واستقرت على هدية روحنا نجيبها روحنا متخانقين مع البنت اللى بتبيع فى المحل اختلافا على الماركة
البنت مصممة انها اصلى واحنا متأكدين انها تقليد البنت زعلت واتحمقت اوى تقولش محل ابوها


المهم نزلنا اشترينا التورتة التمام وجهزنا كل حاجة وكل البنى ادمين اللى هييجو المفروض انهم على وصول لان معاد عيد ميلادها سوارية الساعة 10 وكل البنات لازم تجيب هدايا تعجب سهر ولو معجبتش هتضطر ترفضها وتاخد حقها ناشف

بس متقلقوش اخيرا استقرت واشترت الهدية بنفسها انا كدة عملت اللى عليا وزيادة
و هابى بيرث داى يا سهورة يا حبى يارب كل سنة تيجى تبقى احلى من اللى قبلها لانى موجودة فى كل السنين دى كلها


يارب اشوفك فى بيت العدل قريب

انا نسيت اقولكم صحيح مش انا منتظرة بيبى جديد
ويارب بقا يكون يوسف يااااارب عشان انا حطيت املى فيه انه هيبقا يوسف
ادعولى بقا و اعزرونى عشان بغيب كتير وبغطس كدة
 يلا سلام بقا اشوفكم على خير قريب اوى اوى

14 اللى صبحو ومسو:

فاتيما يقول...

ايه الأخبار الحلووووووة دى كلها

اولاااا

كل سنة و ساسو طيبة
عقبال كل سنة و هيا وسطنا


ثانياااااا

الف مليون مبروك يا حبيبتى
ربنا يتمملك على ألف خير يا رب
و تجيبى يوسف يا رب
انا اول واحدة موافقة على الأسم دا
متسألنييش ليييييه عشان مش هقولك
وش بيغمز
و بيتطنط م الفرحة


الف مبروك يا حبيبتى
و خلى بالك من نفسك و النبى
بطلى شحططة و اركزى ف حتة
و لبن و كالسيوم عشان الواد يطلع متين
ماشى ؟؟

بوسات و حضونات
و فرحات قد نجوم السما
يا نيفى

سلامى لماما و لزوجوكى العزيز
و البنوتة العسولة

adel يقول...

كل سنة و ساسو طيبة
ومبروك البيبي
والمهم يجي
يوسف ولا عبـ مهيمن مش مهم
:)

♥♥ شذا ♥ الروح ♥♥ يقول...

اولا السلام عليكم

اخبارك ايه
ان شاء الله ربنا معاكى وتجيبى احلى وارق يوسف بالدنيا كلها

امين يارب
ويكملك على خير

♥♥ شذا ♥ الروح ♥♥ يقول...

كل سنه وانتى طيبه يا ارق ساسو ومنوره الدنيا كلها
عيد ميلاد سعيد وعمر مديد

بحبك اووى ياسهر

خلى بالك من نفسك
وميرسى ليكى يا نفين ياسكره

تقبلى مرورى

سمع هوص (Abo 3li) يقول...

يالا حالا بالا حيو ابو الفصاد... هييييييييييييه...


كل سنة وهي طيبة ... وانتي كمان طيبة ... ربنا يخليكم لبعض... وش بيغمز...

بس انتي مقولتيلناش الهدية كانت ايه في الاخر؟؟؟؟

والف مبرووووك علي النونة ال في الطريق... يوصل بالسلامة...

وكمان كل سنة وسهر طيبة ومنورة الدنيا كلها...

العلم نور يقول...

كل سنة وانتم طيبين يارب آمين وسنة حلوة عليكم كلكم.



اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

Ms Venus يقول...

كل سنة وكل ثانية وساسو بألف خير ياارب وسعادة


وانتى بقى يا نيفا ربنا يتمم لك على خير حبيبتى ياارب

وربنا يحقق امنيتك ياارب ونقولك يا ام يووسف يا جميلة

وردة لعيونك حبيبتى

مرايتى يقول...

كل سنه وأنت وسهر بخير وسعاده يارب
وإخوات وحبايب يارب فى الدنيا وفى الجنه كمان بصحبة المصطفى صلى الله عليه وسلم

richardCatheart يقول...

كل سنه وانت طيبه وبالف خير

يا ساسو وربنا يحقق كل امنياتك السنه دى علشان تتمنى امنيات جديده السنه الجايه
وتحققيها بردو


مبروك ليكى يا نفين ربنا يارب يكملك على خير ويقومك بالف سلامه

ويرزقكك بيوسف يارب

لــــ زهــــــراء ــــولا يقول...

كل سنة والقمر بخير وسعيد

لولا

NeVeN يقول...

السلام عليكم

ميرسى لكل اللى اتمنى لسهر سنة جميلة عليها و شاركها عيد ميلادها بامنية حلوة

وميرسى كبيرة لكل اللى دعالى دعوة حلوة
معلش مش عارفة ارد اول ب اول لكن انا عارفة انتو مش هتزعلو منى مش كدة ؟؟

ربنا ميحرمنا من سؤالكم يارب
ونورتونى جميعااااااااا

ومن ناحية الهدية كانت ايه

قولنا بلاش تسييح اكتر من كدة لحسن الناس تفتكر ان البونية مادية ولا استغلالية ولا اى حاجة من دى خالص
ههههههههههه



مساءكم سكرررر جميعا

بيطرية ومش بايدى يقول...

اول زيارة ليا هنا
بس المدونة عجبتنى
وسبب الزيارة هى القمر فاتيما
اولا كل سنة وسهورة طيوبة وبخير وصحة وسعادة وهنا ومنى وهلا وفتحية وسعاد وفتكات وكل اسامى البنات وعقبال مييييييييييييت ... ميت ايه ملييوووووووووووووووووووووون سنة
وهى فى احسن حال
وليكى انتى كمان مبرووووووووووووووووووووووووووووك بجد على البابى ربنا يجيبه بالسلامة للدنيا دى ويسعده ويسعد مامته
ويكون تانى يوسفى عندنا على البلوجر
ويعملوا دويتو هايل
ربنا يباركلك فيه ويجعله ذرية صالحة

ياخراشى
لسه ماتخلصتش من عادتى دى
من اولها رغى وصداع

اسيبك انا بقى دلوقتى عشان مااصدعكيش اكتر من كده

سلامووووووز

Tamer Moghazy يقول...

كل سنة وهي طيبة وربنا يخليكوا لبعض والف مبروك الخبر السعيد بتاع البيبي
ربنا يحقق لك امنيتك ياااارب :)

P A S H A يقول...

كل سنة وحضرتك طيبة وبألف خير وصحة وسلامة إن شاء الله

:)

رمضان كريم